სენაკში, მშვიდობის ქუჩის მოსახლეობამ გაზიფიცირების მოთხოვნით საპოროტესტო აქცია გამართა. აქციის მონაწილეების თქმით, მათი ქუჩის გავლით გაზი სოფელ ნოსირში გაჰყავთ, სამუშაოები უკვე დაწყებულია, თუმცა მათ სახლებთან გაზის მილების დაქსელვა არ ხდება.
მოსახლეობას სენაკის მუნიციპალიტეტის მერი ლევან კუპრეიშვილი შეხვდა. მისი თქმით, მშვიდობის ქუჩის მოსახლეობას აუცილებლად ექნება ბუნებრივი აირი.
"მშვიდობის ქუჩის მოსახლეობა ითხოვდა გაზიფიცირებას და მათი მოთხოვნა აუცილებლად დაკმაყოფილდება. იქ უკვე მიმდინარეობს ცენტრალური მაგისტრალის ჩადება და ზუსტად ამ მაგისტრალიდან მიიღებენ ისინი გაზს", – განაცხადა ლევან კუპრეიშვილმა.