30 ნოემბერს საქართველოს პარლამენტმა ნინო ლომჯარია სახალხო დამცველად 96 ხმით ხუთის წინააღმდეგ დაამტკიცა. ლომჯარია აღნიშნულ პოსტს ხუთი წლის ვადით დაიკავებს. ნინო ლომჯარია აღნიშნულ პოსტზე საპარლამენტო უმრავლესობამ წარადგინა. მისი კონკურენტი პატრიოტთა ალიანსის კანდიდატი გიორგი ფოფხაძე იყო. საპარლამენტო უმცირესობას პროცესში მონაწილეობა არ მიუღია, რადგან მიიჩნია, რომ ლომჯარიას კანდიდატურის შერჩევა გაუმჭვირვალე იყო.ახლადარჩეულმა სახალხო დამცველმა, ნინო ლომჯარიამ განაცხადა, რომ სახალხო დამცველის ანგარიშებთან დაკავშირებით იქნება ცვლილებები:"მე აქცენტი გავაკეთე, რომ უფრო მეტად ანალიტიკური მინდა ვიხილო სახალხო დამცველის ანგარიში და უფრო მარტივად აღსაქმელი მკითხველისთვის".
ლომჯარიას თქმით, საკადრო ცვლილებთან დაკავშირებით ის ვერანაირ განცხადებას ვერ გააკეთებს, სანამ აპარტში არსებულ მდგომარეობას არ გაეცნობა.საქართველოს მოქმედ სახალხო დამცველს, უჩა ნანუაშვილს უფლებამოსილება 7 დეკემბერს ეწურება, რის შემდეგაც მოვალეობის შესრულებას ნინო ლომჯარია შეუდგება.