რუსეთის დედაქალაქში უკვე მესამე დღეა მართლმადიდებელი ეკლესიის მღვდელმთავართა კრება მიმდინარეობს. როგორც მოსკოვის საპატრიარქოს საგარეო ურთიერთობათა განყოფილების უფროსის მოადგილემ განაცხადა, კრებაზე აფხაზეთის საკითხის განხილვა დღის წესრიგში არ დგას.სააგენტო "ეხო კავკაზას" ინფორმაციით, ნიკოლაი ბალაშოვმა მოსკოვში გამართულ პრესკონფერენციაზე განაცხადა, რომ რუსეთისა და საქართველოს ეკლესიები თანხმდებიან, რომ ოკუპირებულ აფხაზეთში მართმადიდებლობა რთულ ვითარებაშია, თუმცა იმის წინაპირობა, რომ მოცემულ მომენტში კრება ამ საკითხით დაინტერესდება, არ არსებობს.რუსეთის მართლმადიდებელი ეკლესიის კრება მოსკოვში 2 დეკემბრამდე გაგრძელდება.