საზოგადოების ვერც ერთი წარმომადგენელი ვერ დამშვიდდება იქამდე, სანამ არ გაიგებს, რატომ შემოვიდა ჩატაევი ქვეყანაში და რატომ მოხვდა ამდენი იარაღი მის ბინაში, – ამის შესახებ ტელეკომპანია ”პალიტრანიუსის” გადაცემაში ”360 გრადუსი” ”დემოკრატიული მოძრაობის” ერთ-ერთმა ლიდერმა გიორგი ახვლედიანმა განაცხადა. მისი თქმით, საქართველოში მოხვდა პრაქტიკულად ნომერ პირველი ტერორისტი. ”ანტიტერორისტულმა ოპერაციამ ბევრი ძალიან ცუდი რამ დაგვანახა და ეს პირველ რიგში ეხება იმ საქმიანობასა და მოქმედებას, რომელსაც ჩვენი სპეცსამსახურები ახორციელებენ. მიდგომით, რომ ახლა ყველა დავმშვიდდეთ და სპეცსამსახურებმა იმუშაონ, ვერავინ დამშვიდდება. საზოგადოების ვერც ერთი წარმომადგენელი ვერ დამშვიდდება იქამდე, სანამ საზოგადოება არ გაიგებს, რატომ შემოვიდა ჩატაევი ქვეყანაში, რატომ მოხვდა ამდენი იარაღი მის ბინაში. ორივე მხრივ უბედურებაა სპეცსამსახურებმა იცოდნენ თუ არა ამის შესახებ. პრაქტიკულად ნომერ პირველი ტერორისტი როგორ მოხვდა საქართველოში, შუა ქალაქში?!”, – განაცხადა ახვლედიანმა.