ბერი გაბრიელ სალოსის გამზირზე ჩატარებულ სპეცოპერაციასთან დაკავშირებით არსებობს რამდენიმე კითხვა, რომელსაც აუცილებლად უნდა გაეცეს პასუხი, – ამის შესახებ „პალიტრანიუსის“ გადაცემაში „360 გრადუსი“ თავდაცვის ყოფილმა მინისტრმა დავით თევზაძემ განაცხადა. მისი თქმით, მთავარი კითხვა არის, თუ რამდენად შედეგიანი იყო ჩატარებული სპეცოპერაცია. „იმისთვის, რომ ამაზე ადეკვატური პასუხი ჰქონდეს საზოგადოებას, უნდა მოხდეს გარკვეული პროცედურული შეფასება. ასაღებია ასეთი ოპერაციების მარეგლამენტირებელი დოკუმენტები, რომელიც უწყებაში უნდა იყოს. ასევე, ბრძანება და ის თუ რა ინსტრუქტაჟი ჰქონდა პერსონალს გავლილი. ეს არის ჩვეულებრივი ფაქტი, როდესაც ტარდება ოპერაცია, ხდება შემდგომი განხილვა. ანუ, ზემდგომ პირს უნდა მიუვიდეს გარკვეული ანგარიშები. დაინტერესების შემთხვევაში გენერალურ ინსპექციას შეუძლია შეისწავლოს საკითხი“, – განაცხადა დავით თევზაძემ.