საქართველოში წლევანდელი ზამთარი თავდაპირველად ნორმაზე 10 C-ით თბილი, ხოლო მეორე ნახევარში ნორმის ფარგლებში იქნება

0
451
გარემოს ეროვნული სააგენტოს ინფორმაციით, მომავალი ზამთრის პერიოდში, ჰაერის საშუალო ტემპერატურა ნორმასთან ახლოს, ან ნორმაზე მაღალი იქნება.
 
საქართველოში მომავალი ზამთრის საშუალო ტემპერატურა   სეზონის პირველ ნახევარში ნორმაზე 10C-ით თბილი, ხოლო მეორე ნახევარში ნორმის ფარგლებშია მოსალოდნელი (ზამთრის სეზონის საშუალო ტემპერატურის ნორმა დასავლეთ საქართველოს დაბლობზე +5.7, მთაში +0.2, მაღალ მთაში -4.4, ხოლო აღმოსავლეთ საქართველოს ბარში +1.5, მთაში -1.4 , მაღალ მთაში  -5.5 0C-ს  შეადგენს).
,,სეზონის  ცალკეულ დღეებში ჰაერის ტემპერატურა  შესაძლებელია მნიშვნელოვნად გადაიხაროს ნორმიდან, რის პროგნოზირებაც მხოლოდ რამდენიმე დღის წინსწრებითაა შესაძლებელი"-ნათქვამია გარემოს ეროვნული სააგენტოს მიერ გავრცელებულ ინფორმაციაში.
 
სინოპტიკოსები ამ უმნიშვნელო, მაგრამ მაინც დათბობას ხსნიან იმით, რომ 2017-2018 წლების ზამთრის პერიოდში სამხრეთ-აღმოსავლეთ ევროპის და კავკასიის ტერიტორიაზე ამინდის ფორმირებაზე დომინანტურ როლს     წყნარ და ატლანტიკის    ოკეანეებში  მიმდინარე  და მოსალოდნელი პროცესები შეასრულებს.
 
"სამხრეთ-აღმოსავლეთ ევროპის რეგიონის კლიმატური პროგნოზის (SEECOF-18)  და   ხმელთაშუა ზღვის კლიმატური პროგნოზის (MedCOF) ფორუმებზე მონაწილე  ევროპელი ექსპერტების დასკვნით,  სწორედ ამის გამო, საკმაოდ მაღალი ალბათობითაა (80%) სავარაუდო, რომ აღნიშულ რეგიონებში, მომავალი ზამთრის პერიოდში, ჰაერის საშუალო ტემპერატურა ნორმასთან ახლოს, ან ნორმაზე მაღალი იქნება.
 
წინა სტატიაჯოზეფ დოლი: ,,ვანო მერაბიშვილი პოლიტიკური პატიმარია და საქართველოს მთავრობამ ის დაუყონებლივ უნდა გაათავისუფლოს”
შემდეგი სტატიაიან კელის კომენტარი მიხეილ სააკაშვილის გარშემო შექმნილ ვითარებაზე: აშშ – სთვის მნიშვნელოვანია, რომ მის პარტნიორ ქვეყანაში კანონის უზენაესობა დაცული იქნეს
ტელეკომპანია ოდიშის საინფორმაციო სამსახური