ოთარ დანელია PABSEC-ის ვიცეპრეზიდენტის თანამდებობაზე წარადგინეს

0
475
შავი ზღვის ეკონომიკური თანამშრომლობის საპარლამენტო ასამბლეაში საქართველოს საპარლამენტო მუდმივმოქმედი დელეგაციის ხელმძღვანელი, ოთარ დანელია PABSEC-ის ვიცეპრეზიდენტის თანამდებობაზე წარადგინეს. ეს გადაწყვეტილება ბიუროს სხდომაზე მიიღეს. ინფორმაციას პარლამენტის პრესსამსახური ავრცელებს.
 
კენჭისყრა 29-30 ნოემბერს PABSEC-ის ყოველწლიურ, რიგით 50-ე გენერალური ასამბლეის ფარგლებში გაიმართება. მონაწილეობას ალბანეთის, სომხეთის, აზერბაიჯანის, ბულგარეთის, საქართველოს, საბერძნეთის, მოლდოვის, რუმინეთის, სერბეთის, თურქეთისა და უკრაინის საპარლამენტო დელეგაციების წარმომადგენლები მიიღებენ.
 
უკრაინაში, ქ. კიევში მიმდინარე პლენარული სესიის ფარგლებში PABSEC-ის საკომიტეტო მოსმენები, ბიუროსა და მუდმივმოქმედი კომიტეტის სხდომები გაიმართა.
 
დელეგაციის ხელმძღვანელის, ოთარ დანელიას განცხადებით, მუდმივმოქმედი კომიტეტის განხილვის ძირითად თემას ასამბლეის 25-ე წლისთავთან დაკავშირებული ღონისძიებები წარმოადგენდა. როგორც მან აღნიშნა, დაგეგმილია პარლამენტის თავმჯდომარეების სამიტი და ბიზნეს ფორუმი.
 
მუდმივმოქმედი კომიტეტის სხდომას უკრაინის პარლამენტის თავმჯდომარე ანდრეი პარუბი ხელმძღვანელობდა.
წინა სტატიაწუხელ სოხუმში ხანძარი გაჩნდა. რა შუაშია რუსი მსახიობი ვლადიმერ ეტუში?
შემდეგი სტატიადღეს მხოლოდ ერთი უწყების მიერ გაწეული 6 მილიონ 500 ათასი ლარის ე.წ. ფარული ხარჯი 7 თვეში და რამდენიმე პიჯაკი და თაიგული – სახელმწიფო დაცვის სპეციალური სამსახურის მიერ გაწეული ,,უკანონო ხარჯი” 9 წელიწადში
ტელეკომპანია ოდიშის საინფორმაციო სამსახური