,,თუ საერთაშორისო ტერორიზმში ბრალდებული ჩატაევის საქართველოში ყოფნა დადასტურდა, ეს ნიშნავს, რომ შესაბამისი უწყებების მუშაობაში სერიოზული პრობლემაა”

0
372
"ნაციონალური მოძრაობა" სახელმწიფო უსაფრთხოების სამსახურისგან განმარტებებს ითხოვს და აცხადებს, რომ  სახელმწიფო უსაფრთხოების სამსახურის უფროსის ირიბმა დასტურმა, რომ სპეცოპერაციის შედეგად ლიკვიდირებულ პირებს შორის შეიძლება ჩატაევიც იყოს, კიდევ უფრო მეტი კითხვა გააჩინა. 
 
პარტიის ერთ-ერთი ლიდერის სალომე სამადაშვილის თქმით, მათ კითხვები ქვეყნის უსაფრთხოებასთან დაკავშირებითაც აქვთ, რადგან თუ საერთაშორისო ტერორიზმში ბრალდებული ჩატაევის საქართველოში ყოფნა დადასტურდა, სამადაშვილის განცხადებით, ეს ნიშნავს, რომ შესაბამისი უწყებების მუშაობაში სერიოზული პრობლემაა.
 
„თუ ამ სპეცოპერაციაში მართლაც ლიკვიდირებულ იქნა ან დაკავებულ იქნა ჩატაევი, ჩნდება ძალიან სერიოზული შეკითხვები, როგორც ამ ქვეყნის უსაფრთხოების სისტემასთან, ასევე საზღვრის დაცვის კონტროლის სისტემასთან, უშიშროების სამსახურის სისტემასთან და რა თქმა უნდა, ჩვენ გვაინტერესებს, მაშინ როდესაც სუს-ისთვის გამოყოფილი შესაბამისი რესურსები ყოველდღიურად იზრდება, როდესაც სუს-ის გაძლიერება ხდება ყოველდღიურად, რაში ხარჯავს სუს-ი საკუთარ ძალისხმევას,“ – აცხადებს სალომე სამადაშვილი.
 
სახელმწიფო უსაფრთხოების სამსახურის და იუსტიციის მინისტრის პარლამენტში მისვლა დღეს "ევროპულმა საქართველომაც" მოითხოვა. 
წინა სტატიაქართველი მღვდელმთავრების დელეგაცია მოსკოვს მიემგზავრება
შემდეგი სტატიადაუჭერს თუ არა მხარს ,,ნაციონალური მოძრაობა” სახალხო დამცველის თანამდებობაზე არასამთავრობო სექტორის მიერ წარმოდგენილ კანდიდატურას?
ტელეკომპანია ოდიშის საინფორმაციო სამსახური