,,დაუჭერს თუ არა მხარს ,,ნაციონალური მოძრაობა'' სახალხო დამცველის თანამდებობაზე არასამთავრობო სექტორის მიერ წარმოდგენილ კანდიდატურას, ეს თავად კანდიდატზეც იქნება დამოკიდებული. ” – აცხადებს პარტიის პოლიტსაბჭოს თავმჯდომარე ნიკა მელია.
მისი განცხადებით, „ნაციონალური მოძრაობა” მოწადინებულია, მჭიდროდ ითანამშრომლოს არასამთავრობო ორგანიზაციებთანაღნიშნულ საკითხზე და შესაბამისად, კონსულტაციებს მართავს მათთან.
”ვფიქრობთ, რომ მათ მიერ წარმოდგენილ კანდიდატს დავუჭიროთ მხარი, თუმცა ბუნებრივია ეს თავად კანდიდატზეც იქნება დამოკიდებული. უახლოესი დღეები გვიჩვენებს როგორ დასრულდება კონსულტაციები და რა გადაწყვეტილებას მივიღებთ. მაშინ, როცა ქვეყანაში იშვიათი გამონაკლისის გარდა თავისუფალი მედია არ არსებობს, სასამართლო პოლიტიკურ კონტროლსაა დაქვემდებარებული და გრძელდება პოლიტიკური ნიშნით დევნა, აღნიშნული თანამდებობა უაღრესად მნიშვნელოვანია. არასამთავრობო სექტორმა უნდა მოახერხოს და ამ თანამდებობაზე სხვადასხვა პარტიებთან ერთად აირჩიოს ის ადამიანი, რომელიც სახელისუფლებო კანდიდატი არ იქნება და მათ ინტერესებს არ გაატარებს”, – განაცხადა ნიკა მელიამ.