თბილისში, ქაშუეთის წმინდა გიორგის სახელობის ეკლესიაში ბერი გაბრიელ სალოსის გამზირზე სპეცოპერაციის დროს დაღუპული სპეცრაზმელის, ივანე გოლოშვილის სამოქალაქო პანაშვიდი მიმდინარეობს.
ადგილზე დილიდან იწყეს მისვლა გარდაცვლილის მეგობრები, ახლობლებმა და რიგითმა მოქალაქეებმა, რომლებიც ოჯახს უსამძიმრებენ.
დაღუპულის ხსოვნას პატივი მიაგეს და ოჯახის წევრებს მიუსამძიმრეს საქართველოს პრემიერ-მინისტრმა გიორგი კვირიკაშვილმა, სახელმწიფო უსაფრთხოების სამსახურის ხელმძღვანელმა ვახტანგ გომელაურმა, შს მინისტრმა გიორგი გახარიამ, თავდაცვის მინისტრი ლევან იზორიამ და მინისტრთა კაბინეტის სხვა წევრებმა.
დაღუპულ სპეცრაზმელთან გამოსათხოვებლად ქაშუეთში მისულთა განწყობის ტიპური ნიმუშია მიშა ვაშაკიძის პოსტი პირად ფეისბუქგვერდზე: ,,ვანო გოლოშვილი მუდამ იქ იდგა სადაც მისმა სამშობლომ მოიხმო, ამიტომაც მან, გვერძე დგომას, მარსდისობაში გმირად შესვლა არჩია, როგორც ნამდვილ ვაჟკაცსს და მამულისშვილის შეჰფერის!
შენისთანებზე დგას საქართველო და ჩვენც უკლებლივ ვიდგებით შენს ნაკვალევზე ძმაო ჩვენო, საქართვეოა შენთან!
ჩვენ ვერაფერი გაგვტეხს და დაგვამარცხებს! ''
ჩვენ ვერაფერი გაგვტეხს და დაგვამარცხებს! ''
გარდაცვლილ სპეცრაზმელს დღეს მუხათგვერდის ძმათა სასაფლაოზე დაკრძალავენ.
ივანე გოლოშვილი 22 ნოემბერს ბერი გაბრიელის ქუჩაზე მიმდინარე სპეცოპერაციის დროს თავის არეში დაიჭრა. მას გადაუდებელი ოპერაცია ჩაუტარდა, თუმცა, ექიმებმა მისი გადარჩენა ვერ შეძლეს