მეუფე შიომ პატრიარქის გადაწყვეტილების შესახებ წუხელ გაიგო. ,,ეს ჩემთვის უდიდესი ჯვარია” – აცხადებს იგი

0
419
 სენაკისა და ჩხოროწყუს მიტროპოლიტი შიო მუჯირი პატრიარქის მიერ მის მოსაყდრედ დასახელების გადაწყვეტილებას გამოეხმაურა. 
 
მე ნამდვილად, ჩემი თავი მიმაჩნია უღირსად ამ მსახურებისთვის, მიღებული გადაწყვეტილება ჩემთვის „უდიდესი ჯვარია“.- განუცხადა  ჟურნალისტებს მეუფე შიომ.
 
„მისმა უწმინდესობამ ისეთი დიდი პატივი მარგუნა წილად, რომ ვღელავ, რამეთუ ეს უდიდესი ჯვარია. მე იმედი მაქვს ღვთის მადლის, შეწევნის, წმინდა გიორგის მფარველობის და მისი უწმინდესის მამობრივი ხელმძღვანელობის და ლოცვა-კურთხევის. მე ნამდვილად, ჩემი თავი მიმაჩნია უღირსად ამ მსახურებისთვის“, – განაცხადა მეუფე შიომ.
 
მისივე თქმით, პატრიარქის გადაწყვეტილების შესახებ წუხელ გაიგო. 
 
„ეს არის განსაკუთრებული ვითარება. ჩვენს ისტორიაში მე ვერ ვიხსენებ ასეთ ვითარებას. უახლოეს მომავალში გამოჩნდება ვალდებულებები როგორი იქნება“, – აღნიშნა მან.
 
დღეს პატრიარქმა საკუთარ მოსაყდრედ ჩხოროწყუსა და სენაკის მიტროპოლიტი შიო მუჯირი დაასახელა. ბრძანება, რომელიც ილია მეორის თქმით დღეს დაიწერა, მან ქაშუეთის ეკლესიაში სადღესასწაულო წირვის დაწყებამდე წაიკითხა.
"ეს არის ისტორიული გიორგობა. წმინდა გიორგიმ ინება, რომ მყავდეს მოსაყდრე და ეს არის მეუფე შიო. მეუფე შიოს ვულოცავ ამ მაღალ წოდებას და იმედი მაქვს, რომ გაამართლებს დაკისრებულ საქმეს", – განაცხადა საქართველოს კათოლიკოს-პატრიარქმა ილია მეორემ ქაშუეთის ტაძარში სადღესასწაულო წირვის შემდეგ ქადაგებისას. 
 
 
 

 
წინა სტატიაიყო თუ არა მიზანშეწონილი რეპორტაჟები სპეცოპერაციის ადგილიდან? ,,თუ საინფორმაციო ველზე პრობლემებია, ხელისუფლებას მოსთხოვეთ და არა ჟურნალისტს! ” – თენგო გოგოტიშვილი
შემდეგი სტატიაგრაკლიანის გორაზე აღმოჩენილი უძველესი წარწერა იშლება. მდგომარეობა საგანგაშოა
ტელეკომპანია ოდიშის საინფორმაციო სამსახური