ვისია ბინა, სადაც სავარაუდოდ ტერორისტები არიან გამაგრებული, და რა ხდება პანკისში

0
364
დუისის პოლიციის განყოფილებაში დაკითხვაზე იმყოფება გაბრიელ სალოსის ქუჩაზე მდებარე ბინის მეპატრონე ასლანბეგ ჯაბრაილოვი. მან ბინა ცოლის ძმის თხოვნით გააქირავა. არსებული ინფორმაციით მას ცოლის ძმისთვის დამქირავებლების ვინაობა არ უკითხავს. ჯაბრაილოვი 26 წლის არის და ახმეტაში "სოკარის" ბენზინგასამართ სადგურზე მუშაობს .
 
საჯარო რეესტრის მიხედვით, ბინა პანკისის ხეობაში მცხოვრებ მერი ხანგოშვილს ეკუთვნის. იგი უკვე დაიკითხა.  მან "კურიერთან" საუბარში განაცხადა, რომ ბინის ფაქტობრივი მფლობელი სხვაა და ის ამ ბინის მხოლოდ ფორმალური მფლობელია.
"ჩემმა ქმარმა გააქირავა თუ არა, არ ვიცი, მე მგონი, არ იყო გაქირავებული, მგონი, არავინ არ ცხოვრობდა მაგ ბინაში… მეც, როგორც თქვენ, ვზივარ ტელევიზორთან და ვუყურებ, არაფერი არ ვიცი… ჩემი მეუღლე იყო სამუშაოდ წუხელ, ახმეტაში, ახლა ვურეკავ და გამორთული აქვს, არაფერი არ ვიცი…", – განაცხადა მერი ხანგოშვილმა. 
 
"კურიერის"ინფორმაციით სახლი სადაც ტერორიზმში ბრალდებულები არიან გამაგრებული , დუისელ თინა გაოგაშვილს ეკუთვნის. ბინა გაქირავებულია.
სახლის პატრონი ავსტრიაში ცხოვრობს. ამნფორმაციის კომენტირებისას ჟურნალისტი ელისო კილაძე ამბობს: ,, მენიშნა-ავსტრიაში ცხოვრობს ტერორისტი ახმედ ჩატაევიც,რომელიც ქართული ციხიდან 2013 წელს ნანა კაკაბაძის შუამდგომლობით გაათავისუფლეს !''
 

რაც შეეხება პანკისის ხეობას, იქ  პოლიციისა და სპეცრაზმის მობილიზება არ შეინიშნება. 
მოსახლეობა ამბობს, რომ თბილისში კონტრტერორისტული სპეცოპერაციის შესახებ მედიიდან გაიგეს.
პანკისთან დაჯგუფების წევრების რაიმე კავშირს გამორიცხავს დუისის მაჟორიტარი დეპუტატი. რამაზ ბაღაკაშვილის განცხადებით, სანამ დაჯგუფების წევრების ვინაობა არ იქნება ცნობილი, იქამდე საუბარი არასამართლიანია.
 
 
 

წინა სტატია,,ერთი ბინის ნეიტრალიზაციას ორ საათზე მეტი არ უნდა სჭირდებოდეს. გამოიკვეთა უსაფრთხოების სერიოზული პრობლემა, რომელიც ქვეყანაშია“ – ნიკა რურუა.
შემდეგი სტატიადა როცა საქმე ლაფანყურის ოპერაციას ეხებოდა, ეს წესი არ მოქმედებდა? ,,არც ერთ მეტ კითხვაზე არ იქნება პასუხი გაცემული იმ ზომაზე მეტად, რასაც შესაბამისი სამსახურები ჩათვლიან საჭიროდ” – აცხადებს სოზარ სუბარი
ტელეკომპანია ოდიშის საინფორმაციო სამსახური