,,ამერიკის ხმის'' ცნობით, აშშ სახელმწიფო დეპარტამენტმა გააკეთა განცხადება, რომ ,,ძალიან მნიშვნელოვანია კიევმა თავი აარიდოს ისეთ ქმედებებს უფლებების უზენაესობის სფეროში, რომელიც შესაძლოა პოლიტიკურად მოტივირებული იყოს''.
საქმე ეხება მიხეილ საააკაშვილის ოთხი მხარდამჭერის დეპორტირებას უკრაინიდან საქართველოში ბორნით, როგორც ეს განაცხადა საქართველოს ყოფილმა პრეზიდენტმა.
საქართველოს რვა მოქალაქის დეპორტაციის ფაქტი დაადასტურა უკრაინის ეროვნული უსაფრთხოების სამსახურმა და ეროვნულმა პოლიციამ, რომელთაც განმარტეს, რომ ეს გადაწყვეტილება მიღებულ იქნა ძალოვანი სტრუქტურების მიერ მიწოდებული მასალების საფუძველზე, რომელნიც მოწმობენ, რომ უცხოელთა საქმიანობა ეწინააღმდეგება უკრაინის ეროვნული უსაფრთხოების ინტერესებს.
აშშ სახელმწიფო დეპარტანენტის განცხადებას პოროშენკოს ქმედების შესაძლო პოლიტიკური მოტივირებულბის შესახებ გამოეხმაურა მიხეილ სააკაშვილი.
,, პოროშენკოს ეგონა, რომ მსოფლიო ამას ვერ შენიშნავდა. ეს ყოველთვის ამგვარი განცხადებებით იწყება და მთავრდება ან ქონების კონფისკაციით ან დაკავებებით, როგორც ეს მოხდა ლაზარენკოს, ფირტაშისა და პანამის პრეზდენტის მარტინელის შემთხვევებში, ეს უკანასკნელი, სხვათა შორის ამერიკის დიდ მეგობრად ითვლებოდა'' – წერს მიხეილ სააკაშვილი თავის პირად ფეისბუქგვერდზე.