ამ წუთებში ბერი გაბრიელ სალოსის გამზირზე კვლავ ინტენსიური სროლისა და ძლიერი აფეთქების ხმა ისმის. ადგილზე, სპეცდანიშნულების რაზმმა კიდევ ერთი შტურმი განახორციელა.
კორპუსში მყოფმა პირებმა.სავარაუდოდ, ცეცხლს საპასუხო სროლით უპასუხეს
ადგილზე მობილიზებულია სასწრაფო დახმარების ბრიგადები.
გარე პერიმეტრს საპატრულო პოლიცია აკონტროლებს.
თბილისში მიმდინარე სპეც ოპერაციას "ილია ჭავჭავაძის საზოგადოების" ლიდერი თამარ ჩხეიძე სოციალურ ქსელ "ფეისბუკში" ეხმაურება:
"მიმდინარე სპეცოპერაციის ამბავი ძალიან მაშფოთებს. მართალია ჩვენ ბევრი რამ არ ვიცით, მაგრამ ძალიან, ძალიან მეეჭვება შუა ქალაქში, საცხოვრებელ კორპუსების ტერიტორიაზე რამით იყოს გამართლებული ფაქტიურად საბრძოლო მოქმედებების წამოწყება. ამ ხალხს, ვინც არ უნდა იყვნენ ისინი, მძევლები ხომ არ ყოლიათ აყვანილი, ვინმეს ხომ არ კლავდნენ?!! ნუთუ არ არსებობდა ალტერნატიული გზა! ეს ძალიან სახიფათოა ისედაც ძლიერ აფეთქებასაშიშ მდგომარეობაში მყოფ ქვეყანაში ოკუპანტი ქვეყნის მეზობლად. თანაც მოსახლეობის ასეთ დღეში ჩაგდება შეიძლება? იყო ამისთვის საკმარისი მიზეზი?თანაც არ დაგვავიწყდეს, რომ ხელისუფლება სრულიად არასაიმედოა და თუნდაც
შინაგან საქმეთა მინისტრი თავისი ბიზნესით, როგორც ცნობილი გახდა, პირდაპირ მიბმულია რუსეთზე?"-წერს ჩხეიძე.