თურქეთში გიულენთან კავშირის ბრალდებით 50-ზე მეტი მასწავლებელი დააკავეს

0
427
თურქეთში მოძრაობა "ჰიზმეტის" ლიდერ ფეთჰულა გიულენთან კავშირის ბრალდებით სულ მცირე 51 მასწავლებელი დააკავეს, რომლებიც მანამდე სამსახურიდან დაითხოვეს. ამის შესახებ თურქული მედია წერს.პედაგოგები პროკურატურის გამოძიების ფარგლებში დააპატიმრეს. დანარჩენი ეჭვმიტანილების ასაყვანად კი ოპერაცია გრძელდება.თურქეთის ხელისუფლების მტკიცებით, 2016 წლის ზაფხულში სახელმწიფო გადატრიალების მცდელობის უკან ფეთჰულა გიულენი დგას.  მოძრაობა "ჰიზმეტის" ლიდერი ბრალდებას უარყოფს.2016 წლის 15 ივლისს, თურქეთში სამხედროებმა სახელმწიფო გადატრიალება სცადეს, რომლის დროსაც 230-ზე მეტი ადამიანი დაიღუპა, 2.1 ათასზე მეტი დაშავდა. ამბოხის ჩახშობის შემდეგ, ქვეყანის სახელმწიფო უწყებებში, სასამართლოში, განათლების ორგანიზაციებში, არმიასა და სპეცსამსახურებში მასობრივი წმენდა დაიწყო.ფეთჰულა გიულენი ახლა ამერიკის შეერთებულ შტატებში ცხოვრობს. მისი გადაცემის მოთხოვნით თურქეთმა შტატებს არა ერთხელ მიმართა, თუმცა უშედეგოდ. თავად ფეთჰულა გიულენს მიაჩნია, რომ აშშ მის თურქეთში ექსტრადიციას არ მოახდენს.
წინა სტატიაამჟამად ქვეყანაში ერთკვირიანი რინო ვირუსები ცირკულირებს- პაატა იმნაძე
შემდეგი სტატიაზუგდიდში, ე.წ. „ქაფათის“ სასაფლაოზე ნაპოვნია ცხედარი
ტელეკომპანია ოდიშის საინფორმაციო სამსახური