თბილისის მერია საკრებულოდან 2018 წლის ბიუჯეტის პროექტს უკან გამოითხოვს. ამის შესახებ განცხადება, დედაქალაქის მერმა კახა კალაძემ თბილისის მთავრობის სხდომაზე გააკეთა. კალაძემ მთავრობის წევრებს ბიუჯეტის პროექტის გამოთხოვა და მასზე მუშაობის დაწყება პირადად დაავალა.თბილისის მერის განმარტებით, დედაქალაქის ბიუჯეტში განხორციელდება ცვლილებები და ბიუჯეტი იმ პროექტებისა და პრიორიტეტების მიხედვით გაიწერება, რომელიც თბილისის მთავრობის ახალ შემადგენლობას და გუნდს აქვს.კახა კალაძის თქმით, ბიუჯეტში 2018 წელს განსახორციელებელი პროექტები აისახება.„რადგან საკრებულოს მხრიდან მთავრობა არ იყო დამტკიცებული, ვერ შევიტანდით ხედვებს, გეგმებს ქალაქთან დაკავშირებით თუ რა პროექტები უნდა შესულიყო. შესაბამისად, მე მინდა ვთხოვო ვიცე მერს, რომ დაიწყოთ მუშაობა ბიუჯეტთან დაკავშირებით, გამოვითხოვოთ არსებული, წარდგენილი ბიუჯეტი და კანონით გათვალისწინებულ ვადებში მოხდეს მისი გადაგზავნა თბილისის საკრებულოში. ბიუჯეტში აუცილებლად უნდა იყოს ასახული და გაწერილი ის კონკრეტული პროექტები, რომელიც ჩვენ გვაქვს დაგეგმილი 2018 წელს,” – განაცხადა კალაძემ. თბილისის ვიცე მერის განმარტებით, შენიშვნები არსებობს ბიუჯეტის ხარჯვით ნაწილთან დაკავშირებით. ირაკლი ხმალაძის განცხადებით, თბილისის მერი განაგრძობს კონსულტაციებს ფინანსთა მინისტრთან, რათა 2018 წლის ბიუჯეტის გაზრდა მოხდეს.„არსებითი ცვლილებები იქნება ბიუჯეტის, ჩვენ საშემოსავლო ნაწილში შენიშვნები არ გვაქვს, სწორად არის დაგეგმილი, თუმცა, ხარჯვით ნაწილში ჩვენ მნიშვნელოვან ცვლილებებს შევიტანთ. ამასთან ერთად, გრძელდება კონსულტაციები ფინანსთა სამინისტროსთან,“ – განაცხადა ვიცე მერმა ირაკლი ხმალაძემ.თბილისის მერის მოადგილის მაია ბითაძის თქმით, იგეგმება ინსტიტუციური და სამართლებრივი კუთხით ცვლილებები. ბითაძე ამბობს, რომ თბილისის მთავრობა ბევრად უფრო სწრაფი იქნება, ინფრასტრუქტურული ცვლილებების განხორციელების კუთხითაც.
სიახლეები
მსოფლიო
ნატო-ში ინტეგრაციის დეპარტამენტის დირექტორი საგარეოდან, ხოლო მისი ცოლი პარლამენტიდან გაათავისუფლეს
ნატო-ში ინტეგრაციის დეპარტამენტის დირექტორი, თორნიკე ფარულავა საგარეო საქმეთა სამინისტროდან გაათავისუფლეს. ამის შესახებ ფარულავა თავად...
კონფლიქტები
უკრაინამ რუსეთის კურსკის ოლქს შეუტია: დაღუპულია სამი ადამიანი
უკრაინის შეიარაღებული ძალების მიერ რუსეთის კურსკის ოლქში, რამდენიმე ქალაქის სანაპიროზე განხორციელებული დარტყმის შედეგად 3...
პოლიტიკა
ოჯახის მოთხოვნით, თორნიკე რიჟვაძე თურქეთში გადაიყვანეს
თორნიკე რიჟვაძე სამკურნალოდ თურქეთში გადაიყვანეს. ინფორმაცია ფორმულას, პირველი საუნივერსიტეტო კლინიკის კლინიკურმა დირექტორმა, ლალი ტურძელაძემ...
სიახლეები
როგორ მოქმედებს? — ტკივილის შემსუბუქებიდან გულის შეტევის პრევენციამდე
ასპირინი ანთების საწინააღმდეგო არასტეროიდული საშუალებაა, რომელიც აქტიური ნივთიერების სახით აცეტილსალიცილის მჟავას შეიცავს. პრეპარატს მრავალმხრივი...