ამჟამად ქვეყანაში ერთკვირიანი რინო ვირუსები ცირკულირებს- პაატა იმნაძე

ამჟამად საქართველოში გავრცელებულ ვირუსებს ახასიათებთ სიცხე, ასევე ხველა და სურდო. ”რაც უფრო აცივდება, ვირუსები უფრო მომძლავრდება. დღეის მდგომარეობით გრიპის ვირუსი არ გამოჩენილა, თუმცა გრიპის გარდა არსებობს კიდევ 200-მდე სხვადასხვა ვირუსი. ამჟამად ქვეყანაში ცირკულირებს ერთკვირიანი რინო ვირუსები. აღნიშნულ ვირუსებს ძირითადად სურდო ახასიათებს, ასევე ტემპერატურა და შეიძლება ახლდეს ხველაც. გარდა რინო ვირუსებისა კიდევ არის ადენო ვირუსები და კორონა ვირუსები. ჯერჯერობით არ გამოჩენილა გრიპის ვირუსი, თუმცა მის გამოჩენას ველოდებით”, – განაცხადა პაატა იმანძემ.დაავადებათა კონტროლის და საზოგადოებრივი ჯანმრთელობის ეროვნული ცენტრის სამეცნიერო საბჭოს ხელმძღვანელი მოსახლეობას ურჩევს, ვირუსების თავიდან ასაცილებლად ხშირად დაიბანონ ხელები. დაინფიცირების შემთხვევაში კი მოერიდოს თვითმკურნალობას და მიმართოის ექიმს.”პირველი რჩევაა, რომ თუ მსგავსი სიმპტომები აღმოაჩნდება ვინმეს, არ წავიდეს სკოლაში, ბაღსა და სამსახურში, რათა სხვებს არ გადაედოთ. იმისთვის რომ თავიდან ავირიდოთ ვირუსები, საჭიროა ხშირი ხელების დაბანა. დაბანის საშუალება თუ არ არის, არსებობს სპეციალური სველი ხელსაწმენდები. ასევე, უნდა დავიცვათ ეტიკეტი დახველების ან დაცემინების დროს და ვიხმაროთ ერთჯერადი ხელსახოცები, რომელსაც შემდეგ გადავაგდებთ.ეს ვირუსები საბედნიეროდ არ არის ისეთი, რომ მძიმე შედეგები გამოიწვიოს, თუმცა ყურადღება მაინც საჭიროა. თუ ბავშვს აქვს სიცხე 38,5 და მეტი ერთი თვის განმავლობაში აუცილებელია ნახოს ექიმმა, ხოლო თუ უფროსს აქვს 38,5 და მეტი სამი თვის განმავლობაში აუცილებელია ნახოს ექიმმა”, – განაცხადა პაატა იმნაძემ.მისივე თქმით, ანტიბიოტიკები არც ერთ ვირუსზე არ მოქმედებენ, შესაბამისად ანტიბიოტიკები ექიმის დანიშნულების გარეშე არავინ უნდა მიიღოს.

ამჟამად ქვეყანაში ერთკვირიანი რინო ვირუსები ცირკულირებს- პაატა იმნაძე

სიახლეები

მურთაზ ზოდელავამ საპატიმრო დაწესებულება დატოვა

რუსეთი რომ იმარჯვებდეს, ის კიევში იქნებოდა და ხელისუფლება შეცვლილი ეყოლებოდა – კიტ კელოგი

“მე ვერ მივდივარ, ჩემს ნაცვლად წადი შენ!” – ნიკა გვარამია ხალხს თსუ პირველ კორპუსთან შეკრებისკენ მოუწოდებს

მზად ვარ, რუსეთს სანქციები დავუწესო, თუ NATO-ს წევრი ყველა ქვეყანა იგივეს გააკეთებს – ტრამპი