წალენჯიხის მუნიციპალიტეტში მომხდარი შემთხვევის შედეგად 24 წლის ახალგაზრდას ლაშა თოლორდავას მარცხენა ხელის მტევნის ამპუტაცია ჩაუტარდა. ახალგაზრდას თევზაობას აკრძალული მეთოდით აპირებდა და ამ დროს აუფეთქდა ხელში კუსტარულად დამზადებული ასაფეთქებელი მოწყობილობა. გარდა ამისა, პაციენტს მრავლობითი დაზიანებები აქვს სახისა და გულმკერდის არეში და ამჟამად ზუგდიდის რეფერეალური საავადმყოფოს რეანიმაციის განყოფილებაშია მოთავსებული.
შემთხვევა წალენჯიხა-ზუგდიდის ცენტრალურ მაგისტრალზე მოხდა, საიდანაც დაშავებული სასწრაფო სამედიცინო სამსახურმა ზუგდიდის საავადმყოფოში გადაიყვანა.
სავარუდოდ, დაზარალებულ ახალგაზრდას გამოჯანმრთელების შემდეგ კანონის წინაშე პასუხისგება მოუწევს. მას პირველი შესძლებლობისთნავე დაკითხავენ.
შინაგან საქმეთა სამინისტროს პრესსამსახურის ცნობით, მომხდართან დაკავშირებით საგამოძიებო მოქმედებები მიმდინარეობს. ჯერ ცნობილი არ არის რა მუხლით აღიძვრება საქმე.