ქეთევან დედოფლის წმ. ნაწილები ენგურის ხიდზე მიაბრძანეს

წმინდა დიდმოწამისა და საქართველოს მნათობის, კახეთის დედოფლის ქეთევანის წმინდა ნაწილები ზუგდიდისა და ცაიშის ეპარქიაში 16 ნოემბერს ჩამობრძანდა,რომელსაც ზუგდიდის მთავარ მოედანზე მიეგება მიტროპოლიტი გერასიმე ეპარქიის სამღვდელოებასთან და მრევლთან ერთდ. 16 დან 19 ნოემბრის ჩათვლით,სიწმინდე დაბრძანებული იყო ივერიის ყოვლადწმინდა ღვთისმშობლის მშენებარე საკათედრო ტაძარში, სადაც ყოველდღე აღევლინებოდა საღმრთო ლიტურგია და პარაკლისი. 19 ნოემბერს, 15:00 სთ-ზე, სიწმინდე წააბრძანეს ენგურის ხიდზე,სადაც მიტროპოლიტმა გერასიმემ სამღვდელოებასთან ერთად აღევლინა დოქოსოლოგია, აქედან დაილოცა მთელი საქართველო, ასევე ხიდზე გადამსვლელებს საშუალება მიეცათ შეხებოდნენ და პატივი მიეგოთ წმინდა ნაწილებისთვის. ენგურის ხიდიდან კი იგი გადასვენებულ იქნა წალენჯიხის მაცხოვრის ფერისცვალების საკათედრო ტაძარში, სადაც 20 ნოემბერს ზუგდიდისა და ცაიშის მიტროპოლიტი გერასიმე, ეპარქიის სამღვდელოებასთან ერთად აღავლენს ერთობლივ საღმრთო ლიტურგიას, რომლის შემდეგაც სიწმინდე გადაბრძანდება სენაკისა და ჩხოროწყუს ეპარქიაში. შეგახსენეთ, რომ დიდმოწამე ქეთევან დედოფლის წმინდა ნაწილები ინდოეთიდან საქართველოში სექტემბერში ჩამოასვენეს. სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის,ბიჭვინთისა და ცხუმ-აფხაზეთის მიტროპოლიტის, ილია მეორის ლოცვა-კურთხევით სიწმინდე საქართველოს ყველა ეპარქიას მოივლის.

ქეთევან დედოფლის წმ. ნაწილები ენგურის ხიდზე მიაბრძანეს

სიახლეები

უფრო ძლიერი უნდა დავბრუნდე ჩემი ხალხისთვის – ხვიჩა კვარაცხელია მიმართვას აქვეყნებს

ზელენსკის უნდა სურდეს ამ ომის დასრულება და თუ მას ეს არ სურს, ვფიქრობ, ეს ძალიან ცუდი ამბავი იქნება -ტრამპი

რუბიო- უკრაინელები მამაცურად იბრძოდნენ, მაგრამ აშშ-ს გარეშე უკრაინა აღარ იარსებებდა

საკონსტიტუციო სასამართლოს თავმჯდომარემ ხატია დეკანოიძე დარბაზიდან გააძევა