გიორგი ოვაშვილის ახალი ნამუშევრის „ხიბულას“ პრემიერაზე თბილისში ზვიად გამსახურდიას როლის შემსრულებელი, ირანელი მსახიობი ჰოსეინ მაჰჯუბი ჩამოდის.
23 ნოემბრიდან ფილმს საქართველოს კინოთეატრებში აჩვენებენ. ამასთან დაკავშირებით, ხვალ, კინოთეატრ „ამირანში“ პრესკოფერენცია მოეწყობა, ფილმის დახურული ჩვენება კი 21 ნოემბერს გაიმართება.
„ხიბულას“ მსოფლიო პრემიერა კარლოვი ვარის საერთაშორისო კინოფესტივალის მთავარ საკონკურსო პროგრამაში შედგა, ეროვნული პრემიერა კი ბათუმის საავტორო კინოს საერთაშორისო ფესტივალის ფარგლებში გაიმართა.
„ხიბულა", „სიმინდის კუნძულისა" და „გაღმა ნაპირის" რეჟისორის მესამე გახმაურებული ნამუშევარია. მისი პრემიერა ბათუმის საავტორო ფილმების საერთაშორისო ფესტივალზე შედგა.
