საქართველოს ნაკრების მცველმა, არნემის „ვიტესის“ კაპიტანმა გურამ კაშიამ ჰოლანდიურ ინტერნეტგამოცემა voetbalprimeur.nl-ს ინტერვიუ მისცა.
კითხვაზე, რომელიც ეხებოდა მწვავე რეაქციას მის მიერ ლგბტ პირთა მხარდასაჭერი სამკლაურის გაკეთებაზე, ფეხბურთელმა უპასუხა, რომ მის გარშემო ძალიან რთული სიტუაცია შეიქმნა.
,,ჩემს ქვეყანაში კი კრიტიკის საგნად ვიქეცი.- განაცხადა კაშიამ voetbalprimeur.nl-სთან კომენტარში.- სიძულვილი, ზიზღი, შეურაცხმყოფელი სიტყვები – ამგვარი დამოკიდებულება ქართველი ხალხის მხრიდან არასოდეს მინახავს. არადა, აქამდე თითქოს ჩემს ქვეყანაში ფავორიტი ვიყავი და ყველას ვუყვარდი, მაგრამ ამ ამბის შემდეგ, ბევრი რამ სხვანაირად გამოჩნდა. მედლის მეორე მხარი დავინახე და სრულიად განსხვავებულ სამყაროში აღმოვჩნდი. ყველა სატელევიზიო გადაცემისა და საგაზეთო პუბლიკაციის მთავარი გმირი ვიყავი, რუსულმა BBC-მაც კი გააშუქა ეს ამბავი. ბევრი კრიტიკული და შეურაცხმყოფელი შეტყობინება მოდიოდა, მაგრამ მასზე ორჯერ მეტი იყო მხარდამჭერი წერილები, რისთვისაც ძალიან მადლიერი ვარ. თუმცა, უარყოფითი სიტყვები ძალიან ცუდად მოქმედებს და დიდი ხანი არ გშორდება. ისევეა, როგორც ფეხბურთში: მწვრთნელის ათი კომპლიმენტი კარგია, მაგრამ ერთჯერადი კრიტიკა მთელს თქვენს განწყობას განსაზღვრავს.''