შსს-ს ცნობით, ოპერატიულ-სამძებრო და საგამოძიებო ღონისძიების შედეგად, ყაჩაღობის ბრალდებით დაკავებულია 19 წლის ახალგაზრდა გ.ა.
განცხადებაში ნათქვამია, რომ "ბრალდებულმა სენაკის რაიონის სოფელ ქვალონის მიმდებარე ტერიტორიაზე მოქალაქეს დანით მუქარით მისი კუთვნილი მერსედესის მარკის ავტომობილი გასტაცა და შემთხვევის ადგილიდან მიიმალა".
ცხელ კვალზე ჩატარებული მოქმედებების შედეგად, სამართალდამცველებმა ბრალდებული მომხდარიდან რამდენიმე წუთში დააკავეს. გ.ა. ჩადენილ დანაშაულს აღიარებს.
გამოძიება ყაჩაღობის ფაქტზე მიმდინარეობს.