აფხაზეთის სეპარატისტულმა ხელისუფლებამ 17 ნოემბერს გალის მოსახლეობა აიძულა გაეპროტესტებინა შოტლანდიის ხელისუფლების გადაწყვეტილება, აფხაზეთ-საქართველოს კონფლიქტში დაღუპულ აფხაზი მეომრების მემორიალის დემონტაჟის შესახებ.
სააგენტო ,,თაიმერი'' აფხაზეთის მედიასა და თავის წყაროებზე დაყრდნობით იუწყება, რომ გალის მოსახლეობას იძულებით მიაღებინეს ამ მიტინგში მონაწილეობა , მათ გალის ადმინიტრაციისაგან აქციაზე რუსულთან ერთად, ქართულენოვანი პლაკატების გამოტანაც ჰქონდათ დავალებული.
საუბარია მემორიალურ ლოდზე, რომელიც 12 წლის წინათ დაამონტაჟეს შოტლანდიის ქალაქ კილმარნოკის ერთ-ერთ სკვერში და მთელი ამ ხნის განმავლობაში მისი არსებობის შესახებ ოფიციალურ თბილისს არ ჰქონია. სეპარატისტთა აზრით, კილმანროკის მერიამ დემონტაჟი დიდ ბრიტანეთში საქართველოს ელჩის თამარ ბერუჩაშვილის გავლენით განახორციელა.
სეპარატისტთა ე.წ. სამოქალაქო სექტორმა, საქართველოს ქმედებები ,,აფხაზეთის ომში დაღუპული მებრძოლების უპატივმცებლობად და აფხაზურ-ქართული კონფლიქტის დავიწყების მცდელობად,, შეაფასა… ხელისუფლებამ კი – რეგიონის ქართული მოსახლეობისაგან საპროტესტო აქციაზე გამოსვლა მოითხოვა.
განაწყენებული აფხაზები კვლავ ალაპარაკდნენ მოითხოვენ ჟენევის მოლაპარაკებების ფორმატის შეცვლაზე, აფხაზეთის კონფლიქტის მხარედ ცნობასა და საერთაშორისო თანამეგობრობის მხრიდან ქართული მხარის იძულებაზე ხელი მოაწეროს იარაღის გამოუყენებლობისა და სამშვიდობო ხელშეკრულებას.