საქართველოს პარლამენტის ეროვნული ბიბლიოთეკის პირველ კორპუსში გაიხსნა წიგნის მუზეუმი, რომელიც 19 ათასზე მეტ უნიკალურ გამოცემას ინახავს.
კავკასიაში უდიდესი და ევროპაში ერთ-ერთი საუკეთესო – ასე აფასებენ სპეციალისტები ამ პირველ მუდმივმოქმედ გამოფენას.
ექსპოზიცია 4 ნაწილადაა დაყოფილი:
იშვიათი გამოცემები განყოფილება, სადაც ქვეყანაში დაცული რარიტეტები – სიძველით და ფორმით გამორჩეული წიგნებია გამოფენილი.
”ვეფხისტყაოსნის” მუზეუმი – პოემის ყველა გამოცემა ქართულ და უცხო ენებზე;
ილიას დარბაზი – ილია ჭავჭავაძის კაბინეტის ექსპოზიცია, მისი პირადი ნივთები და ბიბლიოთეკა;
ბროსეს საცავი – ულტრათანამედროვე საცავი, აღჭურვილი შესაბამისი კლიმატ-კონტროლის აპარატით.
წიგნის მუზეუმი ”დავით ბეჟუაშვილის განათლების ფონდის” მხარდაჭერით გაიხსნა.
გახსნას საქართველოში აშშ-ის ელჩი იან კელი, კულტურის მინისტრი მიხეილ გიორგაძე და პარლამენტის განათლების, მეცნიერების და კულტურის კომიტეტის თავმჯდომარე მარიამ ჯაში დაესწრნენ.
