სოფელ ნაბაკევში, ე. წ. რუსმა მესაზღვრეებმა სოფელ ხურჩაში მცხოვრები მორგოშიები დააკავეს

0
431
გალის რაიონ სოფელ ნაბაკევში, ე. წ. რუსმა მესაზღვრეებმა ზუგდიდის რაიონის სოფელ ხურჩას მცხოვრები ცოლ-ქმარი მორგოშიები დააკავეს. ინფორმაციას ამის შესახებ  პირველ არხის  ჟურნალისტი ნატა ბერულავა ავრცელებს – ისინი აფხაზეთის ტერიტორიაზე ერთი დღის განმავლობაში ჰყავდათ დაკავებული. ცოლ-ქმარი სოფელ ნაბაკევში, საკუთარ თხილნარში იმყოფებოდა.
 
გათავისუფლების შედეგ, რუსმა მესაზღვრეებმა მორგოშიებს საკუთარ თხილნარში შესვლა აუკრძალეს. როგორც ცოლ-ქმარი აცხადებს, თხლინარი მათ ეკუთვნით და მათი საცხოვრებელი სახლიდან რამდენიმე მეტრშია.
 
ხურჩის გამგებელმა, ბადრი ხუნჯგურუამ პირველ არხთან საუბარში განაცხადა, რომ მორგოშიების თხილნარი ღელეს გადაღმაა, ღელე კი სამაგრელო-აფხაზეთის ადმინისტრაციულ საზღვრად ითვლება.
 
როგორც მორგოშიები ამბობენ, ღელის მიღმა ბევრ ხურჩელს აქვს თხილნარი და საყანე ტერიტორია. ცოლ-ქმრის განცხადებით, რადგან ეს მათი დაპატიმრების პირველი შემთხვევა იყო, ჯარიმა არ გადაუხდიათ. თუმცა, მათივე თქმით, თუ კიდევ მოხდება რომელიმე ხურჩელის მიერ ადმინისტრაციული საზღვრის დარღვევა, პატიმრობასთან ერთად ჯარიმის გადახდაც მოუწევთ.
წინა სტატიაოღონდ ხმოსნებს ნუ დაგვიძახებთ და საარჩევნო კოლეგიის წევრები ვიქნებითო – კონსტიტუციაში ცვლილებების განხილვა პარლამენტში ენათმეცნიერული შესავლით იწყებს
შემდეგი სტატიაკიევში პოროშენკოს დამქაშებმა რუსთავი 2 – ის ჟურნალისტი და ,,ატოს” ქართველი მებრძოლები გაიტაცეს
ტელეკომპანია ოდიშის საინფორმაციო სამსახური