თეა წულუკიანი სახალხო დამცველის მიერ ე.წ. ციანიდის საქმეზე გამოქვეყნებულ ანგარიშს და შენიშვნებს გამოეხმაურა.
საქართველოს იუსტიციის მინისტრის თქმით, ის არ აპირებს უჩა ნანუაშვილის განცხადებებზე კომენტარის გაკეთებას და ნანუაშვილის ომბუდსმენობის ბოლო დღეებში მხოლოდ მოკლე შეფასებით შემოიფარგლება.
„ რაკი უკვე ბოლო დღეებია ბატონი უჩას ჩვენთან ერთად საქმიანობის, ვიტყვი, რომ ის არის პირველი უსამართლო ომბუდსმენი საქართველოსი, ამიტომაც მის განცხადებებზე კომენტარს არ ვაპირებ“- განაცხადა თეა წულუკიანმა. სახალხო დამცველი, პირველი ინსტანციის გამამტყუნებელი მთავრობის წევრები ერთმანეთს ეჯიბრებიან უჩა ნანუაშვილის მისამართით ქვების სროლაში.
მათი აღშფოთება გამოიწვია სახალხო ომბუდსმენის განცხადებამ ,,ციანიდის საქმეში'' ბრალდებული დეკანოძის გიორგი მამალაძის მიმართ გამოტანილი განაჩენის დაუსაბუთებლობის თაობაზე.
რაც შეეხება უჩა ნანუაშვილის რეაქციას მისი საქმიანობის წულუკიანისეულ შეფასებაზე, მისი თქმით, „მსგავსი განცხადებები და წულუკიანის ეს განცხადება, პირველ რიგში, აზიანებს საქართველოს ხელისუფლებას და ამ ხელისუფლების იმიჯს, მათ შორის საერთაშორისო საზოგადოების თვალში.“