„ყველა პერსონა, რომელიც ახლა დაინიშნა, ივანიშვილს დაქვემდებარებული ადამიანები არიან, ქართული ოცნება უკვე არის ერთპარტიული მმართველი"- ამის შესახებ ,,რესპუბლიკურ პარტიის'' მდივანმა, თამარ კორძაიამ განაცხადა გადაცემა ,,არჩევანში'' – არც ერთი მინისტრი არ არის მზად იმისთვის, რომ პასუხები გასცეს მოქალაქეებს. მათ არ იციან, რა რაოდენობით დაიზოგება ბიუჯეტი და თითოეული მათგანი დანიშნულია ბიძინა ივანიშვილის პირადი მითითებით''.
თამარ კორძაიას თქმით, "რესპუბლიკური პარტია''ჯერ კიდევ ,,ქართული ოცნების'' კოალიციაში ყოფნის დროს სთავაზობდა მმართველ გუნდს სამინისტროების ოპტიმიზაციას ", მაგრამ "ეს რეფორმები გახმაურდა მხოლოდ თვითმმართველობის არჩევნების დასრულების შემდეგ რაც მიზანმიმართულად მოხდა და არ უკავშირდება ძალთა გადანაწილებას.
მისი თქმით, ბიძინა ივანიშვილს არ გაუმართლა პირდაპირი წესით არჩეულ კანდიდატებში და ამის მაგალითია გიორგი მარგველაშვილი. თუმცა, გამონაკლისი ამ კუთხით არის კახი კალაძე.
„ჩვენ გვაქვს რეალობა, რომ პოლიტიკურ პარტიაში კახი კალაძემ დაიკავა სერიოზული პოზიციები. კახი კალაძე ერთადერთი პერსონაა ქართულ ოცნებაში, რომელმაც მოახერხა, ბიძინა ივანიშვილის ღია მხარდაჭერის გარეშე მოსულიყო ხელისუფლებაში,“ – განაცხადა კორძაიამ.
.