ექვსი თვის მონაცემებით, გარდაცვლილთა რაოდენობამ შობადობას გადააჭარბა- საქსტატი

2017 წლის პირველი ექვსი თვის მონაცემებით დავინახეთ, რომ შობადობა პირველად ჩამორჩა გარდაცვალებას. ანუ გარდაცვლილთა რაოდენობამ შობადობას გადააჭარბა, – ამის შესახებ სტატისტიკის ეროვნული სამსახურის დირექტორის მოადგილე თენგიზ ცეკვავამ განაცხადა. მისივე თქმით, მიზეზი არის ის, რომ 1990-იან წლებში დაბადებულ ქალთა რაოდენობა შემცირდა, შესაბამისად, მათ მიერ გაჩენილი ბავშვების რაოდენობაც კლებისკენ წავა. „ეს პროცესი არის სწორედ იმის გამოძახილი, რომ 1990-იან წლებში შობადობამ იკლო და ის მოსახლეობა და ახალგაზრდები, რომლებიც ფერტილურ ასაკში შედიან, განსაკუთრებით ქალები, მათი რიცხვი ფაქტობრივად განახევრდა. თუ 80-იან წლებში დაიბადა დაახლოებით 450 ათასი ქალი საქართველოში, 90-იან წლებში დაბადებულ ქალთა რაოდენობა 230 ათასი იყო, ანუ განახევრდა და სწორედ ის ქალები, რომლებიც დღეს შედიან ფერტილურ ასაკში, სწორედ მათ მიერ გაჩენილი ბავშვების რაოდენობა დაიწყებს კლებას“, – განაცხადა ცეკვავამ.

ექვსი თვის მონაცემებით, გარდაცვლილთა რაოდენობამ შობადობას გადააჭარბა- საქსტატი

სიახლეები

უკრაინის ანტიკორუფციულმა სასამართლომ პროკურორს არახამიას წინააღმდეგ საქმის აღძვრა დაავალა

ივანიშვილი საქართველოში ისრაელის ელჩს შეხვდა

იტალია უკრაინისთვის სამხედრო დახმარების ახალ პაკეტს ამზადებს

4 ოქტომბრის საქმეზე მსჯავრდებულმა ნანა სანდერმა საპატიმრო დატოვ