განხორციელებული სამთავრობო ცვლილებებით პროფესიონალიზმი არის მიჭირხვნილი, – ასე აფასებს ”ინტერპრესნიუსთან” საუბარში პოლიტოლოგი სოსო ცისკარიშვილი საქართველოს მთავრობაში განხორციელებულ საკადრო ცვლილებებს. სოსო ცისკარიშვილის თქმით, მსგავს შეფასებას არ იმსახურებს ყველა ახალი კადრი, თუმცა რაც შეეხება გიორგი გახარიას და მამუკა ბახტაძის კანდიდატურებს, ცისკარიშვილი მიიჩნევს, რომ ”ისინი ვერ უძლებენ კრიტიკას”. ”არსად არის სხვაგან ისეთი მაგალითი, რომ ეკონომიკისა და მდგრადი განვითარების მინისტრი გამხდარიყო უცებ შს მინისტრი, ასევე ფინანსთა მინისტრი გაათავისუფლო თანამდებობიდან და გადაიყვანო ეკონომიკის მინისტრად და ფინანსთა მინისტრად დანიშნო ტექნიკურ მეცნიერებათა დოქტორი, რომელსაც მაინცდამაინც წარმატებული წინა პერიოდი არ გააჩნია, ვგულისხმობ რკინიგზას და მამუკა ბახტაძეს. რასაც ჩვენ ვაკვირდებოდით, არ გამოვრიცხავ, რომ ბატონ ბახტაძეს არავინ ეკითხებოდა რა გადაზიდვები უნდა ყოფილიყო ”საქართველოს რკინიგზაში”. იქ რაც ხდებოდა, შეიძლება ითქვას, რომ არის მრავალტომიანი საქმე პროკურატურისთვის.გახარია, ქუმსიშვილი და ბახტაძე არიან იმ გუნდის წევრები, რომლებიც ქართულ პოლიტიკაში არიან დღევანდელი საქართველოს კადრებთუხუცესის გუნდის წევრები.რას ნიშნავს გახარიას დანიშვნა, ეს ნიშნავს რომ ჩვენს ძალოვან სისტემაში არ მოიძებნა ღირსეული კადრი? მე დარწმუნებული ვარ, რომ უფრო პროფესიონალი კადრები არსებობენ ამ სისტემაში, მაგრამ გახარია შეირჩა, როგორც ჩანს მის მიმართ ბიძინა ივანიშვილის ნდობის კუთხით. პროფესიონალიზმი არის მიჭირხვნილი ასეთი ნაბიჯებით. ამაში ყველა კადრს არ ვგულისხმობ. ეს ტალღა კი არა ცვლილებების კარუსელი გამოვიდა”, – განაცხადა სოსო ცისკარიშვილმა. მისივე თქმით, სერიოზული დადებითი ცვლილება მხოლოდ განათლების სამინისტროშია, ”სხვაგან ცვლილებები მხოლოდ ცვლილებებისთვის განხორციელდა”.
სიახლეები
სიახლეები
შსს- ფარტენაძე პოლიციელის სიტყვიერი შეურაცხყოფისა და წვრილმანი ხულიგნობისთვის არის დაკავებული
შინაგან საქმეთა სამინისტროს ინფორმაციით, აჭარის ტელევიზიისა და რადიოს ჟურნალისტი კობა ფარტენაძე, დაკავებულია პოლიციელის მიმართ...
სიახლეები
დიდი ოდენობით თანხის თაღლითურად დაუფლების საქმეზე ერთი ადამიანი დააკავეს
დიდი ოდენობით თანხის თაღლითურად დაუფლების საქმეზე დაკავებულია კაცი, რომელმაც ნაცნობს ბანკიდან 30 ათასი დოლარის...
საზოგადოება
დაკავებულია აჭარის ტელევიზიის ჟურნალისტი კობა ფარტენაძე
“დაკავებულია აჭარის ტელევიზიის ჟურნალისტი კობა ფარტენაძე. მისი დაკავება მოხდა ბათუმის საქალაქო სამმართველოს პოლიციის მე...
მსოფლიო
კაია კალასი მასშტაბურ სანქციებს აანონსებს
ევროკავშირი რუსეთის წინააღმდეგ სანქციების კიდევ უფრო გამკაცრებისთვის ემზადება. ევროკავშირის უმაღლესი წარმომადგენელი კაია კალასი აცხადებს,...