პარლამეტში დღეს საპენსიო რეფორმაზე იმსჯელებენ, კერძოდ,  რეფორმასთან დაკავშირებულ რისკებსა და გარანტიებზე.

 

ამ საკანონმდებლო ინიციატივის თანახმად ხდება ახალი საშემოსავლო გადასახადის შემოღება იმ პირობით, რომ ეს პენსიის ოდენობაზე 20 წლის შემდეგ აისახება,დღეს არსებული ეკონომიკური კრიზისის პირობებში კიდევ უფრო მძიმედ დაარტყამს ხანდაზმულთა და მათი ოჯახების ბიუჯეტს,  სწორედ ამიტომ აკრიტიკებს მას  მწვავედ საპარლამენტო ოპოზიცია.

 

,,მთავრობის მორიგი ტყუილი'' – ასე აფასებენ კანონპროექტს ,,ევროპულ საქართველოში'' , ,,ეს სხვა არაფერია, თუ არა მორიგი ტყუილი და სრულიად აბსურდული გადაწყვეტილება, რადგან ფაქტობრივად ეს არის ადამიანებისთვის  თანხების წართმევა და გადასროლა სხვა ბანკებში იმისთვის, რომ 20 წლის შემდეგ შეპირდე პენსიების ზრდას''- აცხადებენ ევროპული საქართველოს წარმომადგენლები.   

 

„ნაციონალური მოძრაობის“ წევრების აზრით, საპენსიო რეფორმის ეფექტურობა მინიმალური იქნება.

„ ამ ე.წ. რეფორმის ეფექტურობა მინიმალური იქნება  – ქვეყანაში დაახლოებით 3 მილიონი ადამიანია შრომისუნარიანი, აქედან მხოლოდ 700 ათასია ოფიციალურად დასაქმებული, ანუ   იღებს ხელფასს იხდის და საშემოსავლო გადასახადს, ამასთან  ამ 700 ათასიდანაც ნახევარი  საჯარო სექტორშია.  გამოდის, რომ ერთი ჯიბიდან მეორეში გადააქვთ თანხა. '' – აცხადებენ პარტიაში.