სამთავრობო ცვლილებებს ოპოზიცია აფასებს

„ასეთი მასშტაბური ცვლილებები, როგორც სტრუქტურული, ასევე საკადრო, აჩვენებს იმას, რომ თვითონ მთავრობა და ხელისუფლების გუნდი არ არის კმაყოფილი საკუთარი მუშაობით,“ – ასე აფასებს პარლამენტის ფრაქცია ”ნაციონალური მოძრაობის” თავმჯდომარის მოადგილე, სალომე სამადაშვილი სამთავრობო ცვლილებებს.სამადაშვილი აცხადებს, რომ ცვლილებების მიუხედავად, შს მინისტრთან კითხვები მაინც აქვს ოპოზიციას.„ბატონი გახარიას დანიშვნა შს მინისტრის პოსტზე არის სრულიად გაუგებარი, მას არ აქვს არანაირი პოლიტიკური და არანაირი პროფესიონალური გამოცდილება. ეს ცვლილებები აჩვენებს ერთ რამეს, რომ ბიძინა ივანიშვილი ცდილობს, რომ კიდევ უფრო ახლო დისტანციიდან გააკონტროლოს ყველა საკვანძო უწყება,“ – აცხადებს სამადაშვილი.პარლამენტის თავმჯდომარის მოადგილე, ფრაქცია ”ევროპული საქართველო – მოძრაობა თავისუფლებისთვის” წევრი, სერგი კაპანაძე აღნიშნავს, რომ სამინისტროების შემცირება მნიშვნელოვანია და ის მიესალმება ამ ცვლილებებს.„თუმცა, ფუნდამენტური იქნება იმის ანალიზი, თუ რაში დაიხარჯება ის თანხები, რომელიც არის ახლა ერთი შეხედვით გამოთავისუფლებული. თუ ეს თანხები ისევე დაიხარჯება ახალი სტრუქტურების დაფინანსებაში, რომლის მსგავსი ასევე, დაანონსდა და ბატონ მღებრიშვილს შეუქმნეს, თუ ისევ დაიხარჯება პრემიების და დანამატების კუთხით, მაშინ არანაირი აზრი ამ შემცირებას არ ექნება,“ – განაცხადა სერგი კაპანაძემ.ცვლილებები საქართველოს მთავრობაში – იცვლება აღმასრულებელი ხელისუფლების სტრუქტურა და უქმდება 4 სამინისტრო. თუკი აქამდე მინისტრთა კაბინეტის შემადგენლობაში 18 მინისტრის პორტფელი იყო, შემოთავაზებული ცვლილებების მიხედვით, 4 სამინისტრო გაუქმდება და მთავრობის შემადგენლობაში დარჩება სულ 14 სამინისტრო.

სამთავრობო ცვლილებებს ოპოზიცია აფასებს

სიახლეები

ჩვენი არჩევანი ბოიკოტია,წალენჯიხის მუნიციპალიტეტის მერია

საბა ბუაძე ლელოს პოლიტსაბჭოს და თბილისის ორგანიზაციის თავმჯდომარის პოსტს ტოვებს

4%-იანი ლელო რას იზამს ნამდვილად არ განსაზღვრავს საქართველოს ბედს! ხოშტარია

კოალიცია “ძლიერი საქართველო” თვითმმართველობის არჩევნებში მონაწილეობას მიიღებს