რევაზ არველაძე ენერგეტიკისა და ეკონომიკის სამინისტროს გაერთიანებას ნაადრევად მიიჩნევს

საპარლამენტო უმრავლესობის წევრი რევაზ არველაძე მიიჩნევს, რომ ენერგეტიკისა და ეკონომიკის სამინისტროს გაერთიანება ცოტა ნაადრევია.პირველ არხთან საუბარში რევაზ არველაძე მთავრობაში განხორციელებულ საკადრო ცვლილებებს ეხმაურება და აღნიშნავს, რომ ენერგეტიკის სექტორში ძალიან ბევრი საკითხია გადასაწყვეტი და როდესაც უწყებას კონკრეტული პატრონი ჰყავს, საქმე უფრო იოლად და ხარისხიანად კეთდება.„ზოგადად, ადრეც ვამბობდი, რომ ის შემადგენლობა მთლად ოპტიმალური არ იყო, რომელიც საქართველოს მთავრობაში იყო. ვსაუბრობდი იმაზე, რომ საგარეო საქმეთა და ევროინტეგრაციის სამინისტროები უნდა გაერთიანებულიყო ისევე, როგორც კულტურისა და სპორტის სამინისტროები.საუბარი ენერგეტიკის სამინისტროზე იმდენად არ მქონდა, რამდენადაც ენერგეტიკა ფეხზე ისე არ არის დამდგარი, რომ ამ დარგს ცალკე პატრონი არ სჭირდებოდეს. ვთვლი, რომ ენერგეტიკისა და ეკონომიკის სამინისტროს გაერთიანება ცოტა ნაადრევია, რადგან ძალიან ბევრი საკითხია გადასაწყვეტი და როდესაც უწყებას კონკრეტული პატრონი ჰყავს, საქმე უფრო იოლად და ხარისხიანად კეთდება.ეკონომიკის სამინისტროს ბევრი რაღაც აქვს აკიდებული და მისთვის კიდევ ენერგეტიკის სამინისტროს დამატება, ვთვლი, რომ უფრო სიფრთხილე იქნებოდა საჭირო, რათა ენერგეტიკა ჩრდილში არ მოექცეს, რომელიც ქვეყნის ეკონომიკისა და წინსვლის ნაწილია.თუ ქვეყანაში ენერგეტიკა ნორმალურ ვითარებაში არ გაქვს, საუბარი ქვეყნის ეკონომიკის წინსვლაზე ვერ იქნება. რამდენიმე სერიოზული საკითხია მოსაგვარებელი, თუ გინდათ ის, რომ უცხო ქვეყნებზე დამოკიდებული ძალიან სერიოზულად არ ვიყოთ. საქართველოს განახლებულ მთავრობას მხარს დავუჭერ, რადგან თუ მთავრობამ ჩათვალა, რომ ქვეყანას ასე უფრო კარგად მართავს, ამის წინააღმდეგი რატომ წავალ, მაგრამ ეს გამოჩნდება. პარლამენტის მხრიდან მთავრობის კონტროლი უფრო უნდა გაძლიერდეს“, – აღნიშნა არველაძემ.მთავრობაში დაგეგმილი ცვლილებების შედეგად, ენერგეტიკის სამინისტრო ეკონომიკის სამინისტროს უერთდება, რომლის ხელმძღვანელი დიმიტრი ქუმსიშვილი იქნება.

რევაზ არველაძე ენერგეტიკისა და ეკონომიკის სამინისტროს გაერთიანებას ნაადრევად მიიჩნევს

სიახლეები

რუსთაველი გადაიკეტა, თბილისსა და სხვა ქალაქებში საპროტესტო მსვლელობებია

ვოლოდიმირ ზელენსკის ბრძანებით, ანდრეი ერმაკი თანამდებობიდან გათავისუფლებულია

სტენერგარდი-შვედეთი თავისუფალი და დემოკრატიული საქართველოს მხარდაჭერას კვლავ განაგრძობს

ევროპის 17 ქვეყანაში დღეს ქართველი ემიგრანტების აქციები გაიმართება