მარტვილის # 65 საოლქო საარჩევნო კომისიის თავმჯდომარის გრიგოლ ბართაიას ინფორმაციით, პირველ ტურთან შედარებით ამომრჩეველთა აქტივობა დაბალია.

 

ეს აიხსნება იმით, რომ „ნაციონალური მოძრაობის“ მერობის კანდიდატმა მამუკა დანელიამუარი განაცხადა  მეორე ტურში მონაწილეობაზე არჩევნების პირველ ტურში ხელისუფლების  ქმედებებისადმი პროტესტის ნიშნად, და  მეორე ტურში  მხოლოდ „ქართული ოცნების“ ს კანდიდატი ალექსანდრე გრიგალავა მონაწილეობს.

შეგახსენებთ, ცესკო-ს მონაცემების მიხედვით, 21 ოქტომბრის ადგილობრივი თვითმმართველობის არჩევნებში „ქართული ოცნების“ მერობის კანდიდატმა ალექსანდრე გრიგალავამ ხმების 49% მიიღო. მეორე ადგილზე კი „ნაციონალური მოძრაობის“ კანდიდატი, მამუკა დანელია გავიდა თითქმის 36 %-ით

 

12 საათის მონაცემებით მარტვილის 65-ე საარჩევნო ოლქში კენჭისყრაში მონაწილეობა 2739-მა მოქალაქემ მიიღო, რაც საერთო რაოდენობის 11, 45%-ს შეადგენს,  პირველ ტურში,  21 ოქტომბერს კი  12 საათისთვის საკუთარი არჩევანი ამომრჩევლების 20%-ზე მეტს ჰქონდა დაფიქსირებული 

სულ მარტვილში 31 531 ამომრჩეველია რეგისტრირებული.