საკუთარი საქმიანობის შესახებ პრეზენტაცია საქართველოს ახალგაზრდა იურისტთა ასოციაციის ზუგდიდის ორგანიზაციამ ადგილობრივ ოფისში გამართა. საანგარიშო პერიოდში ორგანიზაციას 2000-მდე ბენეფიციარმა მიმართა, რომელთაც იურიდიული და სამართლებრივი კონსულტაციები გაეწია. ერთი წლის განმავლობაში საიას ზუგდიდის ოფისს 37 წარმოებული საქმიდან 13 შემთხვევაში სასამართლო პროცესი მოგებული აქვს, 21 კი წარმოებაშია.საიას ზუგდიდის ორგანიზაციის მუშაობა ყველა მიმართულებით წარმატებულად შეაფასა რეგიონული ოფისების კოორდინატორმა მზია გოჩელაშვილმა, რომელმაც აღნიშნა, რომ ორგანიზაციას ისეთ მნიშვნელოვან მუნიციპალიტეტში, როგორიც ზუგდიდია არც ერთი პრობლემური საკითხი ყურადღების მიღმა არ დარჩენია.შეხვედრას ადგილობრივი არასამთავრობო ორგანიზაციების, ევროკავშირის სადამკვირებლო მისიისა და მედიის წარმოამდგენელები დაესწრნენ