ისრაელის მედიის ცნობით, ქვეყნის ერთ-ერთი სამინისტროს მაღალჩინოსანი და „ბენ-გურიონის“ აეროპორტის თანამშრომელი პოლიციამ ისრაელში საქართველოს მოქალაქეების არალეგალური იმიგრაციისთვის ხელშეწყობის ბრალდებით დააკავეს.
გამოძიების ინფორმაციით, თავისი „მომსახურებისთვის“ დაკავებულები ათასობით აშშ დოლარს იღებდნენ.
დაკავებულებს ბრალად ედება ქრთამის აღება, თაღლითობა და საზღვრის გადაკვეთის შესახებ კანონის დარღვევა.
გამოძიების მასალების თანახმად, ბრალდებულები ინსტრუქციებს აძლევდნენ საქართველოს მოქალაქეებს და ხელს უწყობდნენ სასაზღვრო კონტროლის შეუფერხებლად გავლაში.