აზია-წყნარი ოკეანის ქვეყნების ეკონომიკური თანამშრომლობის სამიტის ფარგლებში დონალდ ტრამპისა და ვლადიმერ პუტინის პირისპირ შეხვედრა არ შედგება. ამის შესახებ სააგენტო Bloomberg თეთრ სახლზე დაყრდნობით იუწყება.როგორც სააგენტოს თეთრ სახლში განუცხადეს, აშშ-ს პრეზიდენტის სამუშაო გრაფიკიდან გამომდინარე შეხვედრა არ შედგება.აღსანიშნავია, რომ გუშინ რუსეთის პრეზიდენტის თანაშემწემ იური უშაკოვმა ჟურნალისტებს განუცხადა, რომ სამიტის ფარგლებში დონალდ ტრამპი და ვლადიმერ პუტინი ერთმანეთს შეხვდებოდნენ. თუმცა, ეს განცხადება არ დაადასტურა აშშ-ს სახელმწიფო მდივანმა რექს ტილერსონმა. მისი თქმით, ორი ქვეყნის ლიდერის შეხვედრა იმ შემთხვევაში შედგება თუ არსებითად განსახილველი საკითხები იქნება.