რუსეთის პრეზიდენტი, ვლადიმერ პუტინი აშშ-ს პრეზიდენტ, დონალდ ტრამპს 10 ნოემბერს ვიეტნამში შეხვდება. ამის შესახებ რუსეთის პრეზიდენტის თანაშემწემ იური უშაკოვმა ჟურნალისტებს განუცხადა.„ამჟამად განვიხილავთ შეხვედრის დროს. ეს შეხვედრა 10 ნოემბერს შედგება“, – განაცხადა იური უშაკოვმა. შეხვედრა შედგება აზია-წყნარი ოკეანის ქვეყნების ეკონომიკური თანამშრომლობის სამიტის ფარგლებში. აღსანიშნავია, რომ დონალდ ტრამპისა და ვლადიმერ პუტინის პირველი პირისპირი შეხვედრა ჰამბურგში, „დიდი ოცეულის“ სამიტის ფარგლებში შედგა.