არასაპარლამენტო ოპოზიციაში საპრეზიდენტო არჩევნებში ერთიანი კანდიდატის დასახელებას არ გამორიცხავენ

„მე პრეზიდენტობის სურვილი კი არ მაქვს, მე მაქვს საქმის კეთების სურვილი და ვიცი, რომ ჩემზე უკეთესად ამას, პრინციპში, ნაკლებად თუ ვინმე გააკეთებს,“ – ეს განცხადება „დემოკრატიული მოძრაობა – ერთიანი საქართველოს” თავმჯდომარემ, ნინო ბურჯანაძემ 2018 წლის საპრეზიდენტო არჩევნებთან დაკავშირებით გააკეთა.ნინო ბურჯანაძემ არ გამორიცხა, რომ არასაპარალამენტო ოპოზიციამ ერთიანი კანდიდატის შესახებაც იმსჯელოს.„ეს ალბათ, ვერ იქნება ყველა ოპოზიციური პარტიის მიერ დასახელებული კანდიდატი, მაგრამ შეიძლება ასეთი კონსულტაციებიც გაიმართოს. ჩემთვის მთავარია არა თანამდებობა, არამედ ის, რომ მე ვიყო დარწმუნებული, რომ ქვეყანა სწორად ვითარდება და ქვეყანა გამოვა იმ ჭაობიდან და ჩიხიდან, რომელშიც ახლა არის,"-განაცხადა ნინო ბურჯანაძემ.არასაპარლამენტო ოპოზიციაში უკვე ალაპარაკდნენ ერთიან კანდიდატზე, რომელმაც მომავალ წელს საპრეზიდენტო არჩევნებში, შესაძლოა, ოპოზიციის სახელით იბრძოლოს. "საქართველოს ლეიბორისტული პარტიის" თავმჯდომარე, შალვა ნათელაშვილი აცხადებს, რომ ის მზადაა საპრეზიდენტო არჩევნებში მონაწილეობის მისაღებად. „მე 25 წელია, მზად ვარ ვიბრძოლო პრეზიდენტობისთვის. ამისთვისაც ვიბრძვი. მაგრამ მებრძოლს სჭირდება კარგი თანამებრძოლები, ამ შემთხვევაში, ამომრჩევლის სახით. მე არ ვიცი ახლა რამდენად, ამომრჩეველი მიაფურთხებს 15 ლარს და ხმას მისცემს საკუთარი სინდისის კარნახით,“ – განაცხადა შალვა ნათელაშვილმა.

არასაპარლამენტო ოპოზიციაში საპრეზიდენტო არჩევნებში ერთიანი კანდიდატის დასახელებას არ გამორიცხავენ

სიახლეები

დიდი ოდენობით თანხის თაღლითურად დაუფლების ბრალდებით ერთი პირი დააკავეს

4 ოქტომბრის საქმეზე დაკავებულ კიდევ 1 პირს საპროცესო შეთანხმება უფორმდება

ჩვენი ეროვნული ამოცანაა, რომ მიმდინარე პროცესებში საქართველო ლიდერი იყოს – ალიანსი

მარეგულირებელი აქტის გარეშე ჭავლში ქიმიური ნივთიერების შერევა ექსპერიმენტული იარაღია – საია