პეტრო პოროშენკომ  საქართველოს მესამე პრეზიდენტს მიხეილ სააკაშვილს ახალი მოთხოვნები წაუყენა – დაუპორისპირდეს დაამხილოს იულია ტიმოშენკო და თავი ანებოს  თავდაცვის სექტორში გამეფებულ კორუფციაზე საუბარს. პოროშენკოს გზავნილი შეიცავს შანტაჟსა და მუქარას, რომ წინააღმდეგ შემთხვევაში გასაჯაროვდება მასზე უკრაინის უშიშროების საბჭოს მიერ შეგროვებული კომპრომატები   და შესაძლოა დადგეს მისი უკრაინიდან გაძევების საკითხი.  ამის სესახებ მიხეილ სააკაშვილმა უკრაინულ ტელეკომპანია "ნიუს-უანის" ეთერში ისაუბრა, გადაცემასი ,, გრძელი საღამო''.  

 

„2 დღის წინ ჩემთან მოვიდა ჩემთვის კარგად ნაცნობი ადამიანი და პეტრო პოროშენკოსგან გზავნილი გადმომცა. ჩემს მიმართ ორი მოთხოვნა არსებობს: პირველი – მე უნდა გავაკრიტიკო იულია ტიმოშენკო. მეორე მოთხოვნა კი ის არის, რომ არ მაქვს უფლება შევეხო თავდაცვის სფეროში არსებულ კორუფციის ფაქტებს. თუკი ამ მოთხოვნებს არ შევასრულებ, მიმანიშნეს, რომ იმ ქართველების ბედს გავიზიარებ, რომლებიც სასამართლოს გადაწყვეტილების გარეშე საქართველოში უკანონოდ გააძევეს.

ამ ადამიანმა ასევე მითხრა, რომ უკრაინის უსაფრთხოების სამსახური ჩემს წინააღმდეგ კომპრომატებს აგროვებდა და თუკი მოთხოვნებს არ შევასრულებ, მათ მედიას გადასცემენ. ისინი თვლიან, რომ შანტაჟით რამის გაკეთებას მაიძულებენ ან ჩემს შეხედულებებზე ვიტყვი უარს. მე მათ საჯაროდ ვპასუხობ – ჩვენ ყველა კანონიერი გზით განვაგრძობთ ბრძოლას უკრაინაში ვითარების შასაცვლელად. უნდა ვაჩვენოთ, რომ ხალხი აღარ ითმენს," – განაცხადა მიხეილ სააკაშვილმა.