ვერბალურ ნაწილში, „ანალოგიების ბლოკი“ „წაკითხულის გააზრების ბლოკში“ იქნება გაერთიანებული- სიახლე აბიტურიენტებისთვის

ზოგადი უნარების გამოცდაში, ვერბალურ ნაწილში, „ანალოგიების ბლოკი“ „წაკითხულის გააზრების ბლოკში“ იქნება გაერთიანებული, – ამის შესახებ შეფასებისა და გამოცდების ეროვნული ცენტრის დირექტორმა მაია მიმინოშვილმა დღეს გამართულ პრესკონფერენციაზე განაცხადა. მისივე თქმით, ანალოგიები 2018 წლის ეროვნულ გამოცდაზე ცალკე აღარ იქნება და გაერთიანდება წაკითხულის გააზრებასთან, რაც შეფასების ინსტრუმენტის ეფექტურობას შეუწყობს ხელს. "როდესაც აბიტურიენტმა „ანალოგიებში“ მოცემული სიტყვის მნიშვნელობა არ იცის, ამ შემთხვევაში მას ტექსტი დაეხმარება და კონტექსტით შეძლებს განსაზღვროს სიტყვის მნიშვნელობა", – განაცხადა მიმინოშვილმა. მისივე თქმით, გამოცდისთვის განკუთვნილი დრო იგივე რჩება – ვერბალურიც და მათემატიკური ნაწილიც 1 საათი და 35 წუთი.ზოგადი უნარების ჯგუფის ხელმძღვანელის, სოფო დოლიძის თქმით კი, აღნიშნულის მიზანი არაა გამარტივება, მიზანია უნარების კიდევ უკეთ შეფასება.მისივე თქმით, ანალოგიების რაოდენობა ტესტში იყო 12, ახლა სულ მცირე 8 იქნება.

სიახლეები

მანანა კობახიძემ პარტიების აკრძალვის სარჩელზე განრიდება ითხოვა

საქართველოში პოლიტიკური უკუსვლა მნიშვნელოვნად გაღრმავდა- იოზვიაკი

დევნილ ოჯახებს, ვისაც არ აქვთ მიღებული ბინა შეუძლიათ, კომპენსაციის მოთხოვნა – 10 000 ლარი ოჯახის ერთ წევრზე