ამ დრომდე უცნობია , რამ გამოიწვია ხანძარი, რომელიც ორი დღის წინათ წალენჯიხის გარეუბანში მდებარე ბამბის გადამამუშავებელ ქარხანაში გაჩნდა. მოარული ხმებით, ხანძარი განზრახ არის გაჩენილი, თუმცა ოფიციალური ვერსია ჯერ არ გაჟღერებულა.
ცეცხლი 300 კვადრატული მეტრ ფართობს მოედო.
ადგილზე 3 სახანძრო მანქანა მუშაობდა. მეხანძრეებმა შენობა გადაარჩინეს, თუმცა მთლიანად არის დამწვარი ბამბა და გასაყიდი ნედლეული. ხანძრის შედეგად არავინ დაშავებულა.
წალენჯიხის გამგებლის ბესიკ ფარცვანიას თქმით, საწარმო ყოფილ ყრუ-მუნჯთა საზოგადოების შენობაში იყო განთავსებული.
ბამბის საწარმო კერძო საკუთრებაა და მეპატრონეები ზარალს თავად დაითვლიან.
რაც შეეხება ხანძრის გამომწვევ მიზეზს, ამას გამოძიება დაადგენს. ადგილზე მუშაობენ კრიმინალისტები.
გამოძიება ქონების დაზიანების მუხლით მიმდინარეობს.