საქართველოს ყოფილმა პრეზიდენტმა, უკრაინის ოპოზიციის ლიდერმა, მიხეილ სააკაშვილმა გადაიხადა უკრაინის საზღვრის უკანონო გადაკვეთისთვის დაკისრებული ჯარიმა, რომელიც ლვოვის ოლქის მოსტისკის რაიონულმა სასამართლომ განუსაზღვრა – ამის შესახებ უკრაინის მედიას სააკაშვილის ადვოკატმა მარკიან გალაბალამ განუცხადა.
მის მიერ გადახდილი საჯარიმო თანხა 3400 გრივნას (დაახლოებით 130 აშშ დოლარს) შეადგენს. ადვოკატმა განაცხადა, რომ ტრანზაქციისთვის მიხეილ სააკაშვილმა ბანკის მომსახურება გამოიყენა, და წარმოადგინა ცნობა ბანკიდან, რომ ჯარიმა გადახდილია. სხვა ინფორმაცია ამ საკითხზე ჯერ არ გავრცელებულა. ხელისუფლება დუმს.
სულ ეს იყო. პოროშენკოს რეჟიმმა, სურს თუ არა, ეს უნდა იკმაროს პატივმოყვარეობის დაკმაყოფილებისთვის , რადგან შანსი იმისა, რომ სამართლებრივი გზებით შეძლებს უარი უთხრას მიხეილ სააკაშვილს უკანონოდ ჩამორთმეული მოქალაქეობის აღდგენაზე, არა აქვს.