დღეს თბილისის ოპერისა და ბალეტის სახელმწიფო თეატრში ისლანდიელი მომღერლის, კომპოზიტორისა და მსახიობის, ბიორკის მეორე სოლო კონცერტი გაიმართება. ბიორკი თავის კომპოზიციებს ამჯერადაც საქართველოს ეროვნული სიმფონიური ორკესტრის სიმებიანი ინსტრუმენტების თანხლებით შეასრულებს.
საკითხავი ის არის, ვინ მოხვდება დარბაზში, როცა ბილეთების ფასი 80 ლარიდან -750 ლარამდეა .
პირველი სოლოკონცერტი მუსიკოსმა ქართველი მსმენელის წინაშე 31 ოქტომბერს თბილისის საკონცერტო დარბაზში გამართა.
ბიორკი თბილისში 28 ოქტომბერს, 12-წევრიან ჯგუფთან ერთად ჩამოფრინდა. ორივე კონცერტის დირიჟორი, ახალგაზრდა ისლანდიელი მუსიკოსი ბიარნი ფრიმან ბარნასონია.
ბიორკი საქართველოში პირველად თანამედროვე მუსიკისა და ვიზუალური ხელოვნების ფესტივალ SOU-ს ფარგლებში ჩამოვიდა.