შსს-ს ზუგდიდის მთავარი სამმართველოს თანამშრომლებმა ზუგდიდის საკრებულოს აპარატის უფროსის, გრიგოლ მიქავას დაჭრაში ბრალდებული დააკავეს.
აღნიშნულთან დაკავშირებით შსს-ში გამოძიება სისხლის სამართლის კოდექსის 118-ე და 236-ე მუხლებით მიმდინარეობს, რომელიც ჯანმრთელობის განზრახ, მსუბუქად დაზიანებასა და ცეცხლსასროლი იარაღის უკანონოდ შენახვა-ტარებას გულისხმობს.
ზუგდიდის საკრებულოს აპარატის უფროსი გრიგოლ მიქავა 27 სექტემბერს დაჭრეს. მას ჭრილობა ცეცხლსასროლი იარაღით, მუხლის არეში ჰქონდა მიყენებული.