მთავარისიახლეებიპოლიტიკასიფრთხილე და მოთმინება ისტორიული მომენტის მოლოდინში - პრეზიდენტი მარგველაშვილი ...

სიფრთხილე და მოთმინება ისტორიული მომენტის მოლოდინში – პრეზიდენტი მარგველაშვილი საქართველოს ტერიტორიული მთლიანობის აღდგენის პერსპექტივის შესახებ

Published on

საქართველოს პრეზიდენტი გიორგი მარგველაშვილი „დოიჩე ველესთვის“ მიცემულ ინტერვიუში აცხადებს, რომ საქართველო  ტერიტორიული მთლიანობის აღსადგენად  შესაბამის ისტორიულ მომენტს უნდა დაელოდოს და ამ თვალსაზრისის არგუმენტად ასახელებს იმას, რომ  
რუსეთში აგრესიული განვითარების პერიოდები და შედარებით კონსტრუქციული პერიოდები ერთმანეთს ენაცვლება. 
 
ჟურნალისტის კითხვაზე, თუ რას ნიშნავს „ისტორიული მომენტი“, მარგველაშვილმა უპასუხა, რომ მაგალითად, ისტორიული მომენტი იყო ბერლინის კედლის დაცემა.
 
„ბერლინის კედლის დაცემა იყო მომენტი, როდესაც ევროპელებს გაუჩნდათ შანსი ხელოვნურად გავლილი საზღვრები მოეშალათ. მავთულხლართები საქართველოს ოკუპირებულ რეგიონებში ბერლინის კედლის ანალოგია. სანამ ასეთი მომენტი დადგება, ჩვენ ქვეყნის ერთიანობა უნდა შევინარჩუნოთ, განვავითაროთ კონტაქტები ოკუპირებულ რეგიონებში მცხოვრებ მოსახლეობასთან და უზრუნველვყოთ სტაბილურობა იმ ისტორიული მომენტისთვის, რომელსაც ჩვენ ველოდებით“, – აღნიშნა მარგველაშვილმა.
 

ჟურნალისტის კითხვაზე, რა ზომებს მიმართავს საქართველო ოკუპირებული რეგიონების რეინტეგრაციისთვის, გიორგი მარგველაშვილმა განაცხადა, რომ ამ საკითხში სიფრთხილე და მოთმინებაა საჭირო.
 
„ჩვენ საქმე გვაქვს რუსეთთან, ამიტომ, სიფრთხილე და მოთმინება გვმართებს. რუსეთი ჩვენი ჩრდილოელი მეზობელი და მსხვილი ბირთვული სახელმწიფოა, ამიტომ, მნიშვნელოვანია პროვოკაციებზე არ წამოვეგოთ. ფრთხილი მოქმედება ნიშნავს იმას, რომ ჩვენ რუსეთთან კონფლიქტებს უნდა მოვერიდოთ“, – განაცხადა მარგველაშვილმა.
 
 

სიახლეები

“დიახ, არ ვაღიარებ ამ ხელისუფლებას“ – ნიკა გვარამია

საკონსტიტუციო სასამართლოში, სადაც ოპოზიციური პარტიების გაუქმებასთან დაკავშირებული სარჩელის განხილვა მიმდინარეობს, „კოალიცია ცვლილებისთვის“ ლიდერს, ნიკა...

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...