დღეს იწყება ესტონეთის პრეზიდენტის ვიზიტი საქართველოში. კერსტი კალიუ ლაიდი თბილისში სახელმწიფო დელეგაციასთან ერთად ჩამოდის.
საქართველოს პრეზიდენტის სასახლეში დღესვე შედგება ესტონეთის პირველი პირის ოფიციალური დახვედრის ცერემონია.
პრეზიდენტები პირისპირ და გაფართოებულ ფორმატში შეხვედრებს გამართავენ. გაკეთდება მედიისთვის ერთობლივი განცხადებაც.
კალიუ ლაიდი შეხვდება ასევე საქართველოს პრემიერს, პატრიარქს და პარლამენტის თავმჯდომარეს.
„საქართველოსა და ესტონეთის პრეზიდენტები ხელს მოაწერენ დეკლარაციას, რომელშიც ასახული იქნება ჩვენი შემდგომი თანამშრომლობის ძირითადი პრინციპები,“ – განაცხადა პრეზიდენტის მრჩეველმა, საგარეო ურთიერთობათა მდივანმა თენგიზ ფხალაძემ.