ფოთში მეთევზეებმა საპროტესტო აქცია გამართეს

ფოთში მეთევზეებმა,რომლებიც შავ ზღვაში ქაფშიის რეწვას ახორციელებენ, მერიის ადმინისტრაციულ შენობასთან აქცია გამართეს. აქციის მონაწილეებმა გარემოს დაცვის სამინისტროს ის გადაწყვეტილება გააპროტესტეს, რომლის თანახმადაც სეინერებზე ვიდეოთვალის დამონტაჟება ევალებათ, წინააღმდეგ შემთხვევაში ჯარიმები დაეკისრებათ. მათი თქმით, სეზონი უკვე იწყება და მომზადებას ვერ ასწრებენ.,,სამინისტროს დადგენილება 1 ოქტომბერს მივიღეთ. მომზადებას ვერ ვასწრებთ. ტექნიკურადაც მოუხერხებელია. ყველას ბანკის დავალიანება გვაქვს. ჩვენს უკან ოჯახები დგანან. ზღვაში უნდა გავიდეთ და თევზი დავიჭიროთ, წინააღმდეგ შემთხვევაში მშიერი დავიხოცებით. იმედია ჩვენს გულისტკივილს გაითვალისწინებენ“, – განაცხადა მეთევზე ვახტანგ ქავთარაძემ.მეთევზეები გარემოს დაცვის სამინისტროს წარმომადგენელთან შეხვედრას მოითხოვენ. ადგილობრივ ხელისუფლებაში აღნიშნულ საკითხზე კომენტარს არ აკეთებენ.

ფოთში მეთევზეებმა საპროტესტო აქცია გამართეს

სიახლეები

რუსი ოფიცრის აფეთქებას აღიარებს, მაგრამ არ ნანობს – ვინ არის მარგარიტა რეუტი?

როდემდე გაგრძელდება უამინდობა საქართველოში?

როგორ აშიშვლებს საწვავის კრიზისი „ნაცრისფერ სქემებსა“ და დიპლომატიურ პარადოქსებს

ბაღიდან გათავისუფლებული ხათუნა გოგუა ზუგდიდის მერს ღია წერილით მიმართავს