ქედაში ბათუმისკენ მიმავალი მიკროავტობუსიდან ექვსი ბავშვი გადმოვარდა. მსხვერპლი არ არის

0
460
ინცინდეტი მაღალთიან აჭარაში – ბათუმისკენ მიმავალი მიკროავტობუსიდან ექვსი არასრულწლოვანი გადმოვარდა. წინასწარი მონაცემებით, ბავშვები თამაშობდნენ, რა დროსაც, სავარაუდოდ, კარის გამღები გამოსწიეს და გზის სავალ ნაწილზე ჩავარდნენ. შემთხვევა ბათუმი-ახალციხის ცენტრალურ მაგისტრალზე, სოფელ გობრონეთთან მოხდა.
 
პირველადი სამედიცინო დახმარება მოზარდებს ქედის სამედიცინო ცენტრში გაუწიეს. მოგვიანებით კი ბავშვები ბათუმის დედათა და ბავშვთა საავადმყოფოში გადაიყვანეს. ექიმების თქმით, საშუალო სიმძიმისაა ერთი მოზარდის მდგომარეობა – მას გვიან ღამით თავის არეში ოპერაცია ჩაუტარდა.
ექიმების მეთვალყურეობის ქვეშ რჩება კიდევ ორი მოზარდი. დანარჩენებმა საავადმყოფო უკვე დატოვეს.
 
ბათუმის მეექვსე საჯარო სკოლის მეექვსე კლასის მოსწავლეები ხულოში, სხალთის ხეობაში ექსკურსიაზე იმყოფებოდნენ. მათთან ერთად იყვნენ პედაგოგები და მშობლები.
მომხდარ ფაქტზე მიმდინარეობს გამოძიება.
წინა სტატიამიხეილ სააკაშვილი ხელისუფლებას ყვითელ ბარათს უჩვენებს
შემდეგი სტატიააფხაზეთის მთავრობას აფხაზური ენის დაცვის გარანტად რუსიფიკაცია უფრო მიაჩნიათ ვიდრე ქართული სახელწიფო პროგრამები
ტელეკომპანია ოდიშის საინფორმაციო სამსახური