გუშინ უკრაინის რადასთან , რეფორმების მოედანზე გაშლილ კარვების ქალაქში მეთიუ ბრაიზა მივიდა.
,,დღეს მეთიუ ბრაიზამ მომინახულა, ყოფილმა ამერიკის ელჩმა, ბრწყინვალე დიპლომატმა და უბრალოდ კარგმა ადამიანმა, ჩემმა ძველმა მეგობარმა, თეთრი სახლის უფროსმა მრჩეველმა ბუშის ადმინისტრაციაში და აშშ ელჩმა ობამას პრეზიდენტობის დროს'' – წერს მიხეილ სააკაშვილი თავის პირად ფეისბუქგვერდზე.
ამ ძუნწი ინფორმაციის გარდა ამ ვიზიტზე არაფერია ცნობილი, თუმცა უკრაინის მედიასა და სოციალურ ქსელებში უკვე ღიად გამოითქმის ვარაუდები, რომ მეთიუ კარვების ქალაქში უბრალოდ მეგობრის მოსანახულებლად არ მისულა – ჯერ ერთი ამ მისვლით მან დემონსტრატიულად გამოხატა სოლიდარობა და ინტერესი უკრაინაში მიმდინარე პროცესებისა და კონკრეტულად ამ აქციის მიმართ და, რაც მთავარია, არამხოლოდ პირადი.= და მეორეც – ამ ორი მნიშვნელოვანი პოლიტიკური ფიგურის პირისპირ საუბარი არ იქნებოდა წარსულის გახსენება დღევანდელობისა და მომავლისგან მოწყვეტით. რა ითათბირეს ძველმა თანამებრძოლებმა რეფორმების მოედანზე, რა მესიჯები გაცვალეს მათ , მომავალი გვიჩვენებს – წერენ სოციალურ ქსელებში
თავად მეთიუ ბრაიზას ამ შეხვედრასთან დაკავშირებით მედიაში ჯერ რაიმე კომენტარი არ გაუკეთებია, მაგრამ უკრაინაში უკვე ინტენსიურად ციტირებენ მის სიტყვებს ექსკლუზიური ინტერვიუდან, რომელიც მან რამდენიმე თვის წინ მისცა Azvizion. az – ს.
,,თუ ეს არ გამოუვიდა სააკაშვილს, არ გამოუვა საერთოდ არავის, სააკაშვილმა იცის მტკივნეული რეფორმების ბოლომდე მიყვანა, განსაკუთრებით რთულ პოლიტიკურ ვითარებაში''- განაცხადა მაშინ მეთიუ ბრაიზამ.