გალში ინციდენტების პრევენციისა და მათზე რეაგირების მექანიზმის მორიგი შეხვედრა მიმდინარეობს.
,,შეხვედრაზე ქართული მხარე გეგმავს დააყენოს ადმინისტრაციულ საზღვართან 19 მაისს გიგა ოთხოზორიას მკვლელობაში ბრალდებული რაშიდ კანჯი ოღლის დაკავების მოთხოვნა, საუბარი შედგება დრანდის ციხეში მყოფი არჩიკო და პაატა როგავების და 24 აგვისტოს ასეთივე ბრალდებით დაკავებული მანუჩარ წუშბაიას გათავისუფლებაზე. '' – განუცხადა ჟურნალისტებს შეხვედრის დაწყების წინ სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილემ კახაბერ ქემოკლიძემ ენგურის ხიდზე.
სავარაუდოდ, საუბარი შეეხება გალის რაიონის სოფელ ფიჩორში კობა ოკუჯავას დაკავების ფაქტს, რომელიც აფხაზეთის დე-ფაქტო შინაგან საქმეთა სამინისტროს თანამაშრომლებმა 16 ოქტომბერს დააკავეს ჭუბურხინჯში მცხოვრებ ოჯახზე 2000 წელს განხორციელებულ ყაჩაღურ თავადასხმასა და მკვლელობასი მონაწილეობის ბრალდებით
პერმანენტული განხილვის საკითხებად რჩება ოკუპირებულ რეგიონში მოსწავლეებისთვის განათლების მშობლიურ ენაზე მიღების შეზღუდვა, ზუგდიდის სოფელ ხურჩაში დე-ფაქტო ხელისუფლების მიერ საოკუპაციო ხაზის გადმოწევის ფაქტი